ખુશ ખબર : IRCTC શરૂ કરવા જઇ રહી છે Ramayan Yatra Special Train, જાણો સમગ્ર માહિતી
IRCTC એ ધાર્મિક પ્રવાસનને પ્રોત્સાહન આપવા માટે 'દેખો અપના દેશ'ની (Dekho Apna Desh) પહેલ હેઠળ ડીલક્સ એસી પ્રવાસી ટ્રેન દોડાવવાનો નિર્ણય કર્યો છે.
ભગવાન રામના ભક્તો માટે સારા સમાચાર છે. ભારતીય રેલવે (Indian Railways)રામાયણ યાત્રા (Ramayan Yatra Special Train) સ્પેશિયલ ટ્રેન શરૂ કરવા જઈ રહી છે. આ ટ્રેનથી ભગવાન રામના ભક્તો અયોધ્યાથી રામેશ્વરમ સુધી દર્શન કરી શકશે.
IRCTC એ ધાર્મિક પ્રવાસનને પ્રોત્સાહન આપવા માટે 'દેખો અપના દેશ'ની (Dekho Apna Desh) પહેલ હેઠળ ડીલક્સ એસી પ્રવાસી ટ્રેન દોડાવવાનો નિર્ણય કર્યો છે.
આ ખાસ પ્રવાસી ટ્રેન 7 નવેમ્બરના રોજ દિલ્હીના સફદરજંગ રેલવે સ્ટેશનથી શરૂ થશે અને પ્રવાસીઓને ભગવાન શ્રી રામ સાથે જોડાયેલા તમામ મહત્વના ધાર્મિક સ્થળોની મુલાકાત માટે લઈ જશે.
સફદરજંગ રેલવે સ્ટેશનથી શરૂ કરીને, આ ટ્રેનનો પ્રથમ સ્ટોપ ભગવાન શ્રી રામનું જન્મ સ્થળ અયોધ્યા હશે, જ્યાં શ્રી રામ જન્મભૂમિ મંદિર, શ્રી હનુમાન મંદિર અને નંદીગ્રામમાં ભારત મંદિરની મુલાકાત લેવામાં આવશે.
અત્યાધુનિક સુવિધાઓથી સજ્જ આ એરકન્ડિશન્ડ પેસેન્જર ટ્રેનમાં બે રેલ ડાઇનિંગ રેસ્ટોરન્ટ્સ, આધુનિક કિચન કાર અને મુસાફરો માટે ફૂટ મસાજર મશીન, મિની લાઇબ્રેરી, આધુનિક અને સ્વચ્છ શૌચાલય અને શાવર ક્યુબિકલ્સ હશે. પેસેન્જર કોચ આ સાથે સુરક્ષા માટે દરેક કોચમાં સિક્યુરિટી ગાર્ડ, ઇલેક્ટ્રોનિક લોકર્સ અને સીસીટીવી કેમેરા પણ લગાવવામાં આવશે.
એસી ફર્સ્ટ ક્લાસ ટ્રાવેલ માટે 1 લાખ 2 હજાર 95 રૂપિયાની ટિકિટ રાખવામાં આવી છે. જ્યારે 2 ટાયર એસી કોચ માટે 82 હજાર 950 રૂપિયા ચૂકવવા પડશે. આ ટ્રીપ બુક કરવા માટે ઉંમર 18 કે તેથી વધુ હોવી જોઈએ. સાથે જ તમે કોરોના રસીના બંને ડોઝ લઇ લીધેલા હોવા જોઇએ. તમે IRCTC ની સત્તાવાર વેબસાઇટ https://www.irctctourism.com પર જઈને આ ટ્રેનની ટિકિટ બુક કરી શકો છો.