રેલવેમાં મુસાફરી કરતા લોકો માટે ખુશખબર , દિવાળી છઠ પૂજા પર ઘરે જતા લોકો માટે સ્પેશિયલ ટ્રેનો થઈ શરૂ

દિવાળી અને છઠ સહિતના મોટા તહેવારોમાં પોતાના ઘરે જતા મુસાફરોનાને ધ્યાને રાખીને ઉત્તર રેલવેએ બુધવારથી 34 વિશેષ ટ્રેનો દોડાવાની શરૂ કરી છે. આ વિશેષ ટ્રેનો 18 ઓક્ટોબરથી 11 ડિસેમ્બર વચ્ચે 377 ટ્રીપ કરશે. મળતી માહિતી મુજબ આ એક્સ્ટ્રા દોડાવાયેલી ટ્રેનો 351 ટ્રિપ્સ દેશના પૂર્વીય ભાગ તરફની કરશે જ્યારે બાકીની 26 ટ્રિપ્સ ઉત્તર પ્રદેશ તરફ હશે. ઉત્તર રેલવેના જનરલ મેનેજર શોભન ચૌધરીએ આ અંગે જણાવ્યું હતું કે, ‘આ 34 ટ્રેનો સિવાય હાલની 69 ટ્રેનોમાં વધારાના કોચ ઉમેરવામાં આવશે

તહેવારોને લઈને સ્પેશિયલ ટ્રેનો શરુ

તમને જણાવી દઈએ કે આ સ્પેશિયલ ટ્રેનો દિલ્હી, નવી દિલ્હી, આનંદ વિહાર, પટના, છપરા, જોગબાની, સહરસા, કોલકાતા, શ્રી માતા વૈષ્ણો દેવી કટરા, અમૃતસર, જયનગર, કટિહાર, ગુવાહાટી, દરભંગા જેવા દેશના મુખ્ય સ્થળો માટે દોડે છે.

ત્યારે આ ટ્રેનો ગોરખપુર, વારાણસી, તે બરૌની, રક્સૌલ, મુઝફ્ફરપુર, સહિત લખનઉં, સહારનપુર અને અંબાલાને પણ જોડશે. ઉત્તર રેલ્વેએ સંભવિત મુસાફરોને તેના સોશિયલ મીડિયા હેન્ડલ્સ અને પૂછપરછ કચેરીઓથી વિશેષ ટ્રેન વિશે માહિતી મેળવવાની સલાહ આપી છે.

જરૂર પડશે તો વધુ ટ્રેનો દોડાવવામાં આવશે.

ચૌધરીએ કહ્યું, ‘મને લાગે છે કે તેનાથી વધેલી માંગ પૂરી થશે. અમે પરિસ્થિતિ પર નજર રાખીશું અને જો અમને લાગશે કે વધુ વિશેષ ટ્રેનોની જરૂર છે તો અમે તેના પર વિચાર કરીશું. હમણાં માટે, મને લાગે છે કે તે પૂરતું છે. તેમણે જણાવ્યુ હતુ કે શક્ય હોય ત્યાં સુધી સુનિશ્ચિત આગમન અને પ્રસ્થાનનો સમય અને અન્ય મહત્વપૂર્ણ ટ્રેનોને કારણે કોઈ વિલંબ થશે નહીં.

સ્પેશિયલ ટ્રેનોનુ ટાઇમ ટેબલ

ઉત્તર રેલ્વેના જનરલ મેનેજરએ જણાવ્યું હતું કે, ‘આ વધારાની ટ્રેનો અમારા માટે અન્ય ટ્રેનો જેટલી જ મહત્વપૂર્ણ છે અને હું સ્પેશિયલ ટ્રેનમાં મુસાફરી કરવાનું આયોજન કરતા તમામ મુસાફરોને ખાતરી આપીશ કે તેઓ તેમના સમયપત્રકનું પાલન કરે’ ભીડ તે જ સમયે, ઉત્તર રેલ્વેએ બુધવારે તહેવારોની સીઝનમાં મુસાફરી કરતા લોકોને સલાહ આપી હતી કે તેઓ તેમની ટ્રેનો ઉપડવાના 15 થી 20 મિનિટ પહેલા સ્ટેશનો પર પહોંચે જેથી ભીડ અને નાસભાગ જેવી ઘટનાઓ ટાળી શકાય.

‘મોટી સંખ્યામાં સુરક્ષાકર્મીઓ તૈનાત કરવામાં આવશે’

ચૌધરીએ કહ્યું કે ઉત્તર રેલ્વેએ ભીડ વ્યવસ્થાપન અને કતારોના નિયંત્રણ માટે વ્યવસ્થા કરી છે. તેમણે કહ્યું કે અમે સ્ટેશનો પર ભીડને નિયંત્રિત કરવા અને મુસાફરોને માર્ગદર્શન આપવા માટે મોટી સંખ્યામાં સુરક્ષા કર્મચારીઓને તૈનાત કરીશું.

મહારાષ્ટ્રના તમામ સમાચાર વાંચવા માટે અહીં ક્લિક કરો