Father’s Day 2021: દિકરીને ભણાવવા પિતાના આ ત્યાગને જોઈ આપ પણ કહેશો ‘વાહ’
Father's Day 2021: આજે ફાધર્સ ડે છે, જિંદગીમાં પિતાની હાજરીને સેલિબ્રેટ કરવાનો દિવસ છે. ત્યારે કર્ણાટકથી એક એવો ફોટો વાયરલ થયો છે, જેને જોઈ આપ પણ કહેશો પિતાનું ત્યાગ અને સમર્પણ અતૂલ્ય છે.
Father’s Day 2021: આજે ફાધર્સ ડે છે, જિંદગીમાં પિતાની હાજરીને સેલિબ્રેટ કરવાનો દિવસ છે. ત્યારે કર્ણાટકથી એક એવો ફોટો વાયરલ થયો છે, જેને જોઈ આપ પણ કહેશો પિતાનું ત્યાગ અને સમર્પણ અતૂલ્ય છે. ભારે વરસાદમાં છત્રી પકડીને ઉભેલા એક પિતા ઓનલાઈન ક્લાસ અટેન્ડ કરતી તેમની દિકરીનો ફોટો સોશિયલ મીડિયા પર વાયરલ થઈ રહ્યો છે.
આ ફોટો કર્ણાટકના (Karnataka) મલનાડ વિસ્તારના સુલિયાનો છે. મોનસૂનના કારણે અહીં ગ્રામીણ વિસ્તારમાં બાળકોને ઓનલાઈન ક્લાસ લેવામાં તકલીફ થઈ રહી છે, કારણકે ઈન્ટરનેટ કનેક્શન નથી મળી રહ્યું. ક્યાંક વિદ્યાર્થીઓ છત્રી નીચે તો ક્યાંક ટેન્ટ લગાડીને વિદ્યાર્થીઓ ઓનલાઈન ક્લાસ લઈ રહ્યા છે.
ફોટો ક્લિક કરનારા એક ફોટો જર્નાલિસ્ટે જણાવ્યુ કે આ બાળકી રોજ પોતાના SSLC ક્લાસ માટે આ જગ્યા પર આવે છે. સુલિયામાં રહેનારા દરેક બાળકને નેટવર્ક માટે ચઢાઈ કરવી પડે છે તો ક્યાં તો પછી દૂર જવુ પડે છે. ખરાબ નેટવર્કના કારણે વિદ્યાર્થીઓ ઓનલાઈન ક્લાસ માટે દૂર જઈ રહ્યા છે. કેટલાક વિદ્યાર્થીઓને કેટલીક સગવડવાળી જગ્યા પર નેટવર્ક પકડાઈ રહ્યુ છે, ત્યાં ટેન્ટ લગાવ્યો છે. બાળકોનું કહેવુ છે કે ગરમીની સીઝનમાં વૃક્ષ નીચે ક્લાસ લેવામાં કોઈ તકલીફ નથી, પરંતુ ચોમાસામાં તકલીફ વધી રહી છે.
