ચંદ્ર પર સોફ્ટ લેન્ડિગ બાદ વિક્રમ લેન્ડરમાંથી રોવર કેવી રીતે બાહર આવ્યુ હતુ જેની વીડિયો હવે સામે આવ્યો છે . ઈન્ડિયન સ્પેસ રિસર્ચ ઓર્ગેનાઈઝેશન (ISRO) એ શુક્રવારે X (અગાઉનું ટ્વિટર) પર ચંદ્રયાન-3ના છ પૈડાવાળા રોબોટિક વાહન પ્રજ્ઞાન વિક્રમ લેન્ડરમાંથી બહાર નીકળવાનો વીડિયો શેર કર્યો હતો.
ભારતે બુધવારે તેના ત્રીજા માનવરહિત ચંદ્ર મિશન ચંદ્રયાન-3ના લેન્ડર મોડ્યુલે સફળતા પૂર્વક સોફ્ટ-લેન્ડિંગ કરીને ઈતિહાસ રચ્યો છે, આ સિદ્ધિ હાંસલ કરનાર ચોથો દેસ બન્યો તેમજ દક્ષિણ ધ્રુવ સુધી પહોંચનાર પ્રથમ દેશ બન્યો છે. આ પહેલા ગુરુવારે સ્પેસ એજન્સીએ માહિતી આપી હતી કે ચંદ્રયાન-3નું પ્રજ્ઞાન રોવર વિક્રમ લેન્ડરમાંથી બહાર નીકળી ગયું છે અને ચંદ્રની સપાટી પર છે. ઈસરોએ બાદમાં કહ્યું કે ચંદ્રયાન-3નું રોવર મોબિલિટી ઓપરેશન શરૂ થઈ ગયું છે. સ્પેસ એજન્સીએ કહ્યું કે તમામ ગતિવિધિઓ સમયસર છે અને તમામ સિસ્ટમ સામાન્ય છે.
સોફ્ટ લેન્ડિંગ પહેલા ઈસરોએ કહ્યું હતું કે ચંદ્રયાન-3ના લેન્ડર મોડ્યુલે ચંદ્રયાન-2 ઓર્બિટર સાથે દ્વિ-માર્ગી સંચાર સ્થાપિત કર્યો છે. “CH-2 ઓર્બિટર ઔપચારિક રીતે CH-3 LMનું સ્વાગત કરે છે,” અવકાશ એજન્સીએ X પર લખ્યું. બંને વચ્ચે દ્વિ-માર્ગીય સંચાર સ્થાપિત થયો છે.
Published On - 12:08 pm, Fri, 25 August 23