ઓસ્ટ્રેલિયા ડબલ ટેક્સેશનનો મુદ્દો ઉકેલશે, ECTA બેઠકમાં ભારત સાથે થઈ સંમતિ
ટેક્નોલોજી ઉદ્યોગ સંસ્થા નાસ્કોમે (NASSCOM) સરકારના સ્ટેન્ડને આવકાર્યું છે જેમાં ડબલ ટેક્સેશનના મુદ્દાને ગંભીરતાથી લેવામાં આવ્યો છે. હકીકતમાં તાજેતરમાં યોજાયેલી ભારત-ઓસ્ટ્રેલિયા ECTA બેઠકમાં, સરકારે ડબલ ટેક્સેશન એવોઈડન્સ એગ્રીમેન્ટનો મુદ્દો ઉઠાવ્યો હતો.
ટેક્નોલોજી ઉદ્યોગ સંસ્થા નાસ્કોમે (NASSCOM) સરકારના સ્ટેન્ડને આવકાર્યું છે જેમાં ડબલ ટેક્સેશનના મુદ્દાને ગંભીરતાથી લેવામાં આવ્યો છે. હકીકતમાં તાજેતરમાં યોજાયેલી ભારત-ઓસ્ટ્રેલિયા ECTA (Bharat-Australia ECTA) બેઠકમાં, સરકારે ડબલ ટેક્સેશન એવોઈડન્સ એગ્રીમેન્ટ (DTAA)નો મુદ્દો ઉઠાવ્યો હતો. ભારતની આ ચિંતાને વાજબી ગણીને ઓસ્ટ્રેલિયા ટૂંક સમયમાં ઉકેલ શોધવા સંમત થયું. તાજેતરમાં, ભારત અને ઑસ્ટ્રેલિયા વચ્ચે વેપાર કરારો પર હસ્તાક્ષર કરવામાં આવ્યા હતા અને આ દરમિયાન સરકારે ઑસ્ટ્રેલિયાને વિદેશી ટેક્સ સંબંધિત વિવાદોને ઉકેલવા વિનંતી કરી હતી. ઓસ્ટ્રેલિયન સરકારે આ માટે સંમતિ આપી છે. નાસ્કોમે સરકારના આ પગલાની પ્રશંસા કરી છે.
સરકારની પ્રશંસા કરતા NASSCOM એ કેન્દ્રીય વાણિજ્ય અને ઉદ્યોગ મંત્રી પીયૂષ ગોયલને પત્ર લખ્યો છે. પત્રમાં કહેવામાં આવ્યું છે કે, ટેક્નોલોજી ઈન્ડસ્ટ્રી વતી ઓસ્ટ્રેલિયા સામે અમારી સમસ્યાઓ મૂકવા બદલ સરકારનો આભાર. એવો મુદ્દો ઉઠાવવામાં આવ્યો હતો કે, ડીટીએએ હેઠળ વિદેશી કર (ઓફશોર ટેક્સેશન) વધારવો જોઈએ નહીં. આટલું જ નહીં, સરકારના આ પગલા બાદ ઓસ્ટ્રેલિયન સરકારે ડીટીએએના મુદ્દાને ઉકેલવાની ખાતરી આપી હતી. ઓસ્ટ્રેલિયન પક્ષના લોકોએ કહ્યું છે કે, ડીટીએએનો મુદ્દો સંસદ દ્વારા ઉકેલવામાં આવશે.
નાસકોમના પ્રમુખ દેબજાની ઘોષે ANIને જણાવ્યું કે, અમને વિશ્વાસ છે કે, આ દાયકા જૂનો મુદ્દો હવે ઉકેલાઈ જવાના માર્ગે છે. આ માટે સરકાર અને વાણિજ્ય અને ઉદ્યોગ મંત્રાલયે શ્રેષ્ઠ પ્રયાસો કર્યા. જાન્યુઆરી 2022માં ટેક્નોલોજી ઉદ્યોગના નેતાઓ સાથે FTA ના મુદ્દા પર વિગતવાર ચર્ચા કરવામાં આવી હતી અને તમામ હિતધારકો પાસેથી ઇનપુટ્સ માંગવામાં આવ્યા હતા. નાસ્કોમ આ પગલાની પ્રશંસા કરે છે.
નાસકોમે શું કહ્યું
ગયા અઠવાડિયે પીયૂષ ગોયલ અને ઓસ્ટ્રેલિયાના વેપાર અને રોકાણ મંત્રી ડેન તેહાન વચ્ચે મુલાકાત થઈ હતી. આ બેઠકમાં ભારત-ઓસ્ટ્રેલિયા ઈકોનોમિક કોઓપરેશન એન્ડ ટ્રેડ એગ્રીમેન્ટ (ECTA) પર હસ્તાક્ષર કરવામાં આવ્યા હતા. બંને મંત્રીઓ વચ્ચે વર્ચ્યુઅલ બેઠક યોજાઈ હતી અને કરાર પર હસ્તાક્ષર કરવામાં આવ્યા હતા. આ બેઠક દરમિયાન વડાપ્રધાન નરેન્દ્ર મોદી અને તેમના ઓસ્ટ્રેલિયાના સમકક્ષ સ્કોટ મોરિસન પણ હાજર હતા. આ સમજૂતીમાં ભારત અને ઓસ્ટ્રેલિયા વચ્ચે વ્યાપારી સંબંધો વધારવા અને અવરોધો દૂર કરવા પર સહમતિ દર્શાવવામાં આવી હતી. બંને દેશો વચ્ચેની બેઠકમાં વિઝા નિયમો હળવા કરવા અને વિદ્યાર્થીઓને કૌશલ્ય અને પ્રતિભાને પ્રોત્સાહિત કરવા માટે મહત્તમ મદદ પૂરી પાડવા પર સહમતિ સધાઈ હતી.
આ પણ વાંચો: CLAT Exam 2022: CLAT પરીક્ષા જૂનમાં લેવામાં આવશે, અહીં તપાસો પરીક્ષા પેટર્ન અને અભ્યાસક્રમ
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-
Published On - 3:52 pm, Tue, 5 April 22