Viral Video : નાસિક નજીક ટોલ પ્લાઝા પર બે મહિલાઓ બાખડી, વાળ ખેંચ્યા, થપ્પડ મારી

ટોલ પ્લાઝા(Toll Plaza ) પર ટોલને લઈને અવારનવાર વિવાદના (Controversy ) અહેવાલો સામે આવ્યા છે. મહારાષ્ટ્રમાંથી(Maharashtra ) ફરી એકવાર આવા જ સમાચાર સામે આવ્યા છે. આ ઘટનામાં વાહન ચાલક અને ટોલ કર્મચારી વચ્ચે ટોલ બાબતે ઝઘડો થયો હતો. મહારાષ્ટ્રના નાસિકમાં ટોલ પ્લાઝા પર ટોલને લઈને હંગામો થયો હતો. આ દરમિયાન ટોલ કર્મચારી અને મહિલા ડ્રાઈવર વચ્ચે ઘર્ષણ થયું હતું. મામલો એટલો વધી ગયો કે ટોલ પ્લાઝા પર જ બે મહિલાઓ વચ્ચે ઝપાઝપી થઈ ગઈ. મહિલા ડ્રાઈવર અને ટોલ કર્મચારી વચ્ચે ટોલ બાબતે ઝઘડો થયો હતો.

મહિલા ડ્રાઈવર અને મહિલા કર્મચારી વચ્ચે થયેલા ઝઘડાનો આ વીડિયો પણ વાયરલ થયો છે. જેમાં જોઈ શકાય છે કે બંને મહિલાઓ એકબીજા સાથે હાથાપાઈ પર ઉતરી આવી છે. બંને મહિલાઓ એક બીજા સાથે લડ્યા બાદ એકબીજાને મારતી દેખાઈ રહી છે. વિડીયો માં અન્ય લોકો આ મહિલાઓને છુટા કરાવવાની જગ્યાએ વિડીયો ઉતારતા પણ જોઈ શકાય છે. જોકે બંને વચ્ચે ઝઘડો કયા કારણથી શરૂ થયો તે હજી સુધી સામે આવી શક્યું નથી. પણ ટોલ ભરવા મુદ્દે આ મહિલાઓ વચ્ચે આ ઝપાઝપી થઇ હોવાનું માલુમ પડ્યું છે. જોકે આ વિડીયો પર લોકો કોમેન્ટ પણ કરી રહ્યા છે. કે ટોલ પ્લાઝા પર આ મહિલાઓને છોડાવવાને બદલે લોકો મોબાઈલમાં વિડીયો ઉતારવામાં લાગ્યા છે. જયારે અન્ય એક યુઝરે લખ્યું છે કે ગલી મહોલ્લામાં થતા ઝઘડા હવે બધે જ થાય છે, એટલા માટે જ ટોલ મુક્ત ભારતની જરૂર છે.

આ જુઓ વિડીયો :