સુપ્રીમે કહ્યું ‘મુંબઈ મોડલ’થી શીખો: BMC કમિશનરે શેર કર્યો એવો કિસ્સો કે જાણીને હેરાન રહી જશો
બીએમસી કમિશનર ઇકબાલ સિંહ ચહલ સાથે એક ન્યૂઝ ચેનલે વાત કરી હતી, ત્યારે તે નારાજ લાગ્યા. અને તેમને તેમની સાથે બનેલી કેટલીક ઘટનાઓ શેર કરી હતી.
દેશભરમાં ફેલાયેલી કોરોના મહામારીને કારણે સૌથી ખરાબ સ્થિતિ મહારાષ્ટ્રમાં જોવા મળી હતી. થોડા દિવસો પહેલા અહીં આરોગ્ય તંત્ર સ્તબ્ધ હતું. હોસ્પિટલોમાં દર્દીઓ માટે બેડ, તબીબી ઓક્સિજન, દવાઓની તંગી હતી, જેના કારણે મોટી સંખ્યામાં લોકો પણ મરી રહ્યા હતા. જો કે થોડા દિવસોમાં હોસ્પિટલોમાં બોમ્બે મ્યુનિસિપલ કોર્પોરેશન (બીએમસી) એ ‘મુંબઇ મોડેલ’ હેઠળ કામ શરુ કર્યું. જેના કારણે કોવિડને કારણે થતા મૃત્યુનાં કિસ્સા ઓછા થઈ શકે છે. મહારાષ્ટ્રમાં લોકોના મોતના કેસમાં સ્થિરતાને ધ્યાનમાં રાખીને સુપ્રીમ કોર્ટે દિલ્હી સરકારને મુંબઈથી શીખવાનું કહ્યું હતું.
બીએમસી કમિશનર નારાજ
જ્યારે આ વિશે બીએમસી કમિશનર ઇકબાલ સિંહ ચહલ સાથે એક ન્યૂઝ ચેનલે વાત કરી હતી, ત્યારે તે નારાજ લાગ્યા. તેમણે કહ્યું હતું કે ‘મુંબઈ મોડેલ’ અન્ય શહેરો અને રાજ્યોમાં ત્યારે જ કામ કરી શકે છે જ્યારે ત્યાના લોકોમાં કોરોના વાયરસ સમસ્યાની ગંભીરતા વિશેની પ્રામાણિકતા હોય. ચહલે કહ્યું, ‘બે મહિના પહેલા મને ભારત સરકારના મારા સાથીઓનો ફોન આવ્યો કે તે પૂછવામાં કે મહારાષ્ટ્રમાં કોરોનાની સ્થિતિ શું છે અને તેઓ અમારા પર હસી રહ્યા હતા. જો કોઈ અમારા પર હસી રહ્યા હોય તો, તો હું તેમની સાથે મારા મોડેલને કેવી રીતે શેર કરું? જ્યારે આપત્તિ આવે છે, ત્યારે શીખવાનો સમય નથી, તે મોડેલોને આરામથી કોપી કરવાનો સમય હોય છે. ‘
બેઠકમાં ‘મુંબઈ મોડેલ’ પર ચર્ચા
તેમણે કહ્યું કે તેઓએ ‘મુંબઈ મોડેલ’ અંગે ચર્ચા કરવા બુધવારે (5 મે) રાત્રે દિલ્હી સરકાર અને કેન્દ્રીય અધિકારીઓ સાથેની બેઠકમાં ભાગ લીધો હતો. ચહલે કહ્યું. ‘મેં દિલ્હી સરકારને કહ્યું હતું કે કોઈ પણ હોસ્પિટલમાં વધારાના પલંગ ઉમેરવા દબાણ ન કરવું જોઈએ. હોસ્પિટલોથી SOS કોલ્સ એટલા માટે આવે છે કે તેઓને ઓક્સિજન બેડ રાતોરાત વધારવા માટે દબાણ કરવામાં આવે છે, જે ઓક્સિજન સંગ્રહ સાથે પૂરક નથી.
તેમણે કહ્યું કે હવે મુંબઇમાં ઓક્સિજનની સમસ્યા હવે એક ઇતિહાસ થઇ છે. અમે અમારા હાલના સંસાધનોની યોજના બનાવી અને તેનો ઉપયોગ કર્યો. બીએમસીએ ઉપલબ્ધ ઓક્સિજન અને તેના સરળ વિતરણ અને બફર સ્ટોકનો યોગ્ય રીતે ઉપયોગ કર્યો, જેથી મહત્તમ જરૂરીયાતમંદો લાભ મેળવી શકે.
આ પણ વાંચો: કોરોનાની બીજી લહેરમાં ‘ગાયબ’ થઈ ગઈ Aarogya Setu App, શું હજુ પણ હોટસ્પોટ્સ ઓળખવામાં છે સક્ષમ?
