રાષ્ટ્રપતિ રામનાથ કોવિંદે (President Ram Nath Kovind) આજે (8 મે, રવિવાર) મહારાષ્ટ્રની ઉપ રાજધાની નાગપુરમાં નવા ઈન્ડિયન ઈન્સ્ટિટ્યૂટ ઓફ મેનેજમેન્ટ કેમ્પસ (IIM Nagpur) નું ઉદ્ઘાટન કર્યું. આ કાર્યક્રમમાં તેમની સાથે કેન્દ્રીય મંત્રી નીતિન ગડકરી અને ધર્મેન્દ્ર પ્રધાન, મહારાષ્ટ્રના ઉર્જા મંત્રી નીતિન રાઉત અને ઉદ્યોગ મંત્રી સુભાષ દેસાઈ હાજર રહ્યા હતા. ઉદ્ઘાટન પછીના તેમના સંબોધનમાં, રાષ્ટ્રપતિ રામ નાથ કોવિંદે કહ્યું, “મને ખાતરી છે કે IIM-નાગપુરનું વાતાવરણ અહીંના વિદ્યાર્થીઓને જોબ સીકર્સના બદલે જોબ ક્રિએટર્સ બનવા માટે પ્રેરણા આપશે. રાષ્ટ્રપતિ રામનાથ કોવિંદ આજે મહારાષ્ટ્રના પ્રવાસે છે. આ પ્રવાસના સંદર્ભમાં તેઓ આજે નાગપુર પહોંચ્યા ત્યારે એરપોર્ટ પર મહારાષ્ટ્રના રાજ્યપાલ ભગતસિંહ કોશ્યારી અને કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ તેમનું સ્વાગત કર્યું હતું.
Governor of Maharashtra, Shri Bhagat Singh Koshyari and Shri Nitin Gadkari, Union Minister of Road Transport & Highways received President Ram Nath Kovind on arrival in Nagpur. pic.twitter.com/6jLzWavMI6
ઉનાળાની વધતી ગરમીમાં ચક્કર આવે તો આ છે બચવાની રીત, જાણી લો
— President of India (@rashtrapatibhvn) May 8, 2022
નાગપુરના આ IIM કેમ્પસમાં 600 વિદ્યાર્થીઓની ક્ષમતા છે. કેમ્પસ 132-એકર વિસ્તારમાં ફેલાયેલું છે. આ કેમ્પસ નાગપુરના દહેગાંવ મૌઝા નજીક MIHA વિસ્તાર પાસે આવેલું છે. આ કેમ્પસનું સમગ્ર આર્કિટેક્ચર અત્યંત આધુનિક રીતે તૈયાર કરવામાં આવ્યું છે. આમાં વર્ગખંડની અંદર અને બહાર શિક્ષણનું સારું વાતાવરણ ઊભું કરવાની કાળજી લેવામાં આવી છે.
Maharashtra | President Ram Nath Kovind inaugurates the new IIM campus in Nagpur. Union Ministers Nitin Gadkari and Dharmendra Pradhan & Maharashtra ministers Nitin Raut and Subhash Desai were also present. pic.twitter.com/FHQgyal8N2
રાષ્ટ્રપતિ ભવને શનિવારે જ આની જાણકારી આપી હતી. રાષ્ટ્રપતિ ભવન દ્વારા જણાવવામાં આવ્યું હતું કે રાષ્ટ્રપતિ નાગપુરના દહેગાંવ મૌજા, MIHA ખાતે IIM કેમ્પસનું ઉદ્ઘાટન કરવા માટે રવિવારે મહારાષ્ટ્રના પ્રવાસે છે. આ માહિતી IIM નાગપુર દ્વારા પણ ટ્વીટ કરવામાં આવી હતી. IIM નાગપુરે ટ્વિટ કરીને જણાવ્યું હતું કે IIM નાગપુરના નવા કેમ્પસનું ઉદ્ઘાટન રવિવાર 8 મે 2022 ના રોજ સવારે 10.00 વાગ્યે રાષ્ટ્રપતિના હસ્તે કરવામાં આવશે.
IIM નાગપુર કેમ્પસ 600 વિદ્યાર્થીઓની ક્ષમતા સાથે 132 એકરમાં ફેલાયેલું છે
નાગપુરનું આ IIM કેમ્પસ ઘણા મોટા વિસ્તારમાં ફેલાયેલું છે. આ કેમ્પસ 132 એકરમાં ફેલાયેલું છે. અહીં એક સાથે 600 વિદ્યાર્થીઓ શિક્ષણ મેળવી શકશે. છોકરાઓ અને છોકરીઓ માટે અદ્યતન હોસ્ટેલની સુવિધા ઉપલબ્ધ છે. આ ઉપરાંત રિફ્રેશમેન્ટ રૂમ, ઇન્ડોર અને આઉટડોર ગેમ્સ અને કલ્ચરલ ક્લબ અને વિશાળ ઓડિટોરિયમની વ્યવસ્થા કરવામાં આવી છે. એટલે કે આઈઆઈએમનું નાગપુર કેમ્પસ વર્લ્ડ ક્લાસ એજ્યુકેશન ઈન્સ્ટિટ્યૂટના સ્ટાન્ડર્ડ લેવલને ધ્યાનમાં રાખીને બનાવવામાં આવ્યું છે.
