મુંબઈની ફેશન સ્ટ્રીટમાં ભીષણ આગ લાગી હતી. મુંબઈની ફેશન સ્ટ્રીટ રેડીમેડ કપડા માટેનું પ્રખ્યાત બજાર છે. આવી જ એક કપડાની દુકાનમાંથી 12 વાગ્યાની આસપાસ આગ લાગી હતી અને ઘણી દુકાનોમાં ફેલાઈ ગઈ હતી. ઘટનાની જાણ થતાં જ ફાયરની 6 ગાડીઓ ઘટનાસ્થળે પહોંચી ગઈ હતી. આગ લાગવાનું કારણ જાણી શકાયું નથી. પ્રાથમિક માહિતી મુજબ આગ શોર્ટ સર્કિટના કારણે લાગી હતી.હવે આગ પર કાબુ મેળવી લેવામાં આવ્યો છે. પરંતુ 15 થી 20 દુકાનો સંપૂર્ણપણે બળીને ખાખ થઈ ગઈ છે.
મહારાષ્ટ્ર: મુંબઈની ફેશન સ્ટ્રીટની દુકાનોમાં આગ લાગી, ઘણી દુકાનો બળીને ખાખ#Mumbai #Maharashtra #TV9News pic.twitter.com/P9FoyNUsHH
— Tv9 Gujarati (@tv9gujarati) November 5, 2022
#WATCH | Maharashtra: Fire broke out at 10-12 shops at Fashion Street in Mumbai today. It has now been extinguished. No casualties/injuries reported. pic.twitter.com/IboH8OMEkI
— ANI (@ANI) November 5, 2022
શનિ-રવિને કારણે બજારમાં ભીડ જામી હતી અને ભારે ધમાલ જોવા મળી હતી. આવી સ્થિતિમાં આગના કારણે અનેક લોકો ગભરાઈ ગયા હતા. ફાયર બ્રિગેડના કર્મચારીઓ અને અધિકારીઓએ આગને કાબૂમાં લેવાનો પ્રયાસ શરૂ કર્યો હતો. મેટ્રો સિનેમા પાસે આ ફેશન સ્ટ્રીટ છે જે ફેશનેબલ કપડા માટે પ્રખ્યાત છે. અહીં કપડાંની સોથી વધુ દુકાનો છે. આગની જ્વાળાઓ ઘણી ઊંચાઈએથી દેખાઈ રહી હતી. ફેશન સ્ટ્રીટ ઉપર ધુમાડો ઉછળતો જોઈ શકાતો હતો.
આગ ઝડપથી પ્રસરવાનું કારણ અહીંની દુકાનો એકબીજાને અડીને આવેલી છે. કપડાની દુકાનો હોવાને કારણે તે વધુ ઝડપથી ફેલાઈ હતી. આગ ઝડપથી પ્રસરી જવાને કારણે સ્થાનિક પ્રશાસને તાત્કાલિક ત્યાં હાજર લોકોને હટાવીને સમગ્ર વિસ્તારને ખાલી કરાવ્યો હતો. તેથી હજુ સુધી કોઈ જાનહાનિના સમાચાર નથી.
આગમાં 15 થી 20 દુકાનો સંપૂર્ણ બળીને ખાખ થઈ જતા આર્થિક નુકશાન ઘણું થયું છે. ફાયર બ્રિગેડના જવાનોને આગ ઓલવવામાં સફળતા મળી છે. આગની માહિતી મળતા જ પોલીસની ટીમ અને BMCના કર્મચારીઓ અને અધિકારીઓ પણ ઘટનાસ્થળે પહોંચી ગયા હતા. આગ કાબુમાં આવ્યા બાદ જે દુકાનોમાં આગ પહોંચી નથી તે દુકાનદારો તેમના કપડા પેક કરી રહ્યા છે. પહેલા એક દુકાનમાંથી ધુમાડો નીકળવા લાગ્યો. કોઇ કંઇ સમજે ત્યાં સુધીમાં આગ આસપાસની દુકાનોને લપેટમાં લઇ લીધી હતી. લગભગ બપોરના 12 વાગ્યા હતા. અચાનક આગએ વિકરાળ સ્વરૂપ ધારણ કરી લીધું અને ધુમાડાના ગોટેગોટા ખૂબ ઉંચાઈએ દેખાવા લાગ્યા.
Published On - 6:13 pm, Sat, 5 November 22