CCTV ફૂટેજ પર વકીલનો દાવો- નવનીત રાણાએ સાંતાક્રુઝના લોકઅપ અંગે કરી હતી ફરિયાદ, પોલીસે ખાર પીએસનો વીડિયો શેર કર્યો

ખાર પોલીસ સ્ટેશનમાં અમરાવતીના સાંસદ નવનીત રાણાની (Navneet Rana) ફરિયાદ બાદ મુંબઈ પોલીસ કમિશનર સંજય પાંડેએ આજે ​​સીસીટીવી ફૂટેજ જાહેર કર્યા હતા. આ વીડિયોમાં નવનીત રાણા અને તેના પતિ ચા-પાણી પીતા જોવા મળ્યા હતા. આ વીડિયો પર સાંસદ નવનીત રાણાના વકીલ રિઝવાન મર્ચન્ટે દાવો કર્યો છે કે, તેમની ફરિયાદ ખાર પીએસ નહીં પણ સાંતાક્રુઝ પીએસના લોક-અપ સાથે સંબંધિત છે. વકીલે કહ્યું છે કે સાંસદે સાંતાક્રુઝ લોકઅપમાં ગેરવર્તણૂકની ફરિયાદ કરી હતી, પરંતુ કમિશનરે (Police Commissioner) ખાર લોકઅપનો વીડિયો જાહેર કર્યો છે.

સાંસદ નવનીત રાણાએ લોકસભા સ્પીકર ઓમ બિરલાને પત્ર લખીને પોલીસ પર ગેરવર્તનનો આરોપ લગાવ્યો હતો. આ સાથે જ ભાજપે પોલીસ પર સાંસદ સાથે ગેરવર્તન કરવાનો આરોપ પણ લગાવ્યો હતો. જે બાદ મુંબઈ પોલીસ કમિશનરે ટ્વિટર પર લોકઅપના સીસીટીવી ફૂટેજ જાહેર કર્યા હતા. આ વીડિયોમાં નવનીત રાણા અને તેના પતિ રવિ રાણા ચા પીતા જોવા મળે છે. હવે તેમના વકીલ રિઝવાન મર્ચન્ટે દાવો કર્યો છે કે સાંસદે સાંતાક્રુઝ લોક-અપ અંગે ફરિયાદ કરી હતી, પરંતુ વીડિયો ખાર સ્ટેશનનો બતાવવામાં આવ્યો છે.

નવનીત રાણાના વકીલનો મોટો દાવો

‘ખાર લોકઅપ અંગે કોઈ ફરિયાદ નથી’

ઉદ્ધવ ઠાકરેના ઘર માતોશ્રીની સામે હનુમાન ચાલીસાના વિવાદમાં પોલીસે નવનીત રાણા અને તેના પતિની ધરપકડ કરી હતી. મુંબઈના ખાર પોલીસ સ્ટેશનમાં નોંધાયેલા અમરાવતીના સાંસદે આરોપ લગાવ્યો હતો કે દલિત હોવાને કારણે તેમને લોક-અપમાં આખી રાત પાણી પણ પૂછવામાં આવ્યું ન હતું. પોલીસ અધિકારીઓએ તેમને વોશરૂમમાં પણ જવા દીધા ન હતા. જે બાદ મુંબઈ પોલીસ કમિશનરનો એક વીડિયો જાહેર કરવામાં આવ્યો હતો.

ફડણવીસનો ઠાકરે સરકારને પડકાર

પરંતુ હવે નવનીત રાણાના વકીલનું કહેવું છે કે, સાંસદની ફરિયાદ ખાર પોલીસ સ્ટેશન અંગે નહીં પણ સાંતાક્રુઝ લોકઅપ અંગે હતી. સરકાર પણ ભાજપના નિશાના પર આવી ગઈ છે. પૂર્વ સીએમ દેવેન્દ્ર ફડણવીસે પડકાર ફેંક્યો છે અને કહ્યું છે કે, તેઓ હનુમાન ચાલીસા પણ વાંચે છે, જો તેમનામાં હિંમત હોય તો ધરપકડ કરી લે.

આ પણ વાંચો: BSF Group B Recruitment 2022: BSFમાં સબ-ઇન્સ્પેક્ટર સહિતની ઘણી જગ્યાઓ માટે ભરતી, આ રીતે કરો અરજી

આ પણ વાંચો: Exim Bank Recruitment 2022: એક્ઝિમ બેંકમાં લોન મોનિટરિંગ સહિત અનેક વિભાગોમાં નોકરી મેળવવાની તક, જાણો કેવી રીતે કરવી અરજી

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો