પત્ની સાથે ઝઘડો થયો તો પોતાના જ ઘરને લગાવી દીધી આગ, નજીકના 10 મકાનો પણ બળીને થયા રાખ, જુઓ VIDEO

પત્ની સાથે ઝઘડો થયો ત્યારે એક વ્યક્તિએ પોતાના જ ઘરમાં આગ લગાવી દીધી હતી. આ આગ એવી રીતે ફાટી નીકળી કે નજીકના દસ મકાનોને પણ પોતાની ચપેટમાં લઈ લીધા હતા.

પત્ની સાથે ઝઘડો થયો તો પોતાના જ ઘરને લગાવી દીધી આગ, નજીકના 10 મકાનો પણ બળીને થયા રાખ, જુઓ VIDEO
The house was set on fire in anger, 10 nearby houses were also destroyed

Maharashtra: પત્ની સાથે ઝઘડો થયો ત્યારે એક વ્યક્તિએ પોતાના જ ઘરમાં આગ લગાવી દીધી હતી. આ આગ એવી રીતે ફાટી નીકળી કે નજીકના દસ મકાનોને પણ પોતાની ચપેટમાં લઈ લીધા હતા. આ તમામ ઘર પણ બળીને રાખ થઈ ગયા હતા. આ ઘટના મહારાષ્ટ્રના સતારા જિલ્લાના પાટણ તાલુકાની છે. પાટણ તાલુકાના મઝગાંવમાં બનેલી આ ઘટનામાં પચાસ લાખથી વધુની સંપત્તિને નુકસાન થયું છે. પોલીસે સંબંધિત પતિ સામે ગુનો નોંધ્યો છે.

પાટણ તાલુકાના મઝગાંવમાં રહેતા સંજય પાટીલે તેની પત્ની પલ્લવી સાથે કોઈ કારણસર ઝઘડો કર્યો હતો. ઘરેલુ બાબતોથી શરૂ થયેલી આ ચર્ચા એટલી તીવ્ર બની ગયો કે સંજય પાટીલ ગુસ્સે થયો. અને ગુસ્સો એટલો વધી ગયો કે, તેણે પોતાના જ ઘરમાં આગ લગાવી દીધી હતી. આ આગ ખૂબ જ ઝડપથી ફેલાઈ અને નજીકના ઘરોને પણ તેની ચપેટમાં લઈ લીધા હતા. આ રીતે કુલ દસ મકાનો બળીને રાખ થઈ ગયા હતા.

જ્યારે આગ લાગી ત્યારે તે પહેલા ઘરના સિલિન્ડર સુધી પહોંચી. સિલિન્ડરમાં આગ લાગતા જ જ્વાળાઓએ વિકરાળ સ્વરૂપ ધારણ કરી લીધું હતું. આ ઘરની આજુબાજુના બધા ઘરો કુલ 10 મકાનો બળી ગયા છે. કુલ પચાસ લાખથી વધુની સંપત્તિનું કુલ નુકસાન થયું છે. સદ્ભાગ્યે કોઈનું મૃત્યુ થયું નથી.

દરમિયાન આરોપી પતિ સંજય પાટીલની પોલીસે ધરપકડ કરી છે. મલ્હાર પેઠની પોલીસ દ્વારા આરોપી સામે કેસ નોંધવામાં આવ્યો છે. આગમાંથી બહાર કાઢતી વખતે આ આગ લગાવનાર પતિને ગ્રામજનોએ ખૂબ માર માર્યો હતો.

નાગપુરમાં આવી જ એક આગમાં ત્રણ મકાનો નાશ પામ્યા હતા

નાગપુર જિલ્લાના કાટોલ તાલુકાના ડોરલી ભીંગરે ગામમાં પણ આવી જ આગ લાગી હતી. એલપીજી ગેસ સિલિન્ડરમાંથી ગેસ લીક ​​થવાને કારણે રાધાબાઈ તુલેના ઘરમાં સવારે 6 વાગ્યે આગ લાગી હતી. ટૂંક સમયમાં જ આ આગ નજીકના ઘરોમાં પણ ફેલાઈ ગઈ હતી. આ રીતે ત્રણ મકાનો બળી ગયા હતા. આ ઘટના જૂન મહિનાની છે.

આ પણ વાંચો: SBI PO Recruitment 2021: સ્ટેટ બેંકમાં PO માટે અરજી કરવાની છેલ્લી તારીખ નજીક, 2056 પોસ્ટ પર થશે ભરતી

આ પણ વાંચો: CBSE Term 1 Board Exam 2021 Date: CBSEએ ધોરણ 10 અને 12ના ટર્મ-1ની પરીક્ષાની તારીખ કરી જાહેર

Click on your DTH Provider to Add TV9 Gujarati