Cyclone Michaungને કારણે ફરી વધી શકે છે મુંબઈમાં ગરમીનું પ્રમાણ, હવામાન વિભાગે કરી આગાહી
બંગાળની ખાડી પર Cyclone Michaungની રચના સાથે, હવામાન નિષ્ણાતોએ આગાહી કરી છે કે મુંબઈ અને તેના ઉપનગરોમાં તાપમાન ફરી વધશે. IMD મુંબઈના ડિરેક્ટર સુનીલ કાંબલેએ જણાવ્યું હતું કે એકવાર ચક્રવાત મોટું સ્વરૂપ ધારણ કરે તે બાદ ભેજવાળૂ અને વાદળછાયું વાતાવરણ જેવી સ્થિતિને કારણે તાપમાન વધી શકે છે.
મુંબઈમાં લઘુત્તમ તાપમાન આ સિઝનમાં પ્રથમ વખત 20 ડિગ્રી સેલ્સિયસથી નીચે ગયું છે. ભારતીય હવામાન વિભાગે (IMD) સાંતાક્રુઝ વેધશાળામાં લઘુત્તમ તાપમાન 19.7 ડિગ્રી સેલ્સિયસ નોંધ્યું હતું.
બંગાળની ખાડી પર સર્જાયેલા Cyclone Michaungને કારણે હવામાન નિષ્ણાતોએ આગાહી કરી છે કે મુંબઈ અને તેના ઉપનગરોમાં તાપમાન ફરી વધશે. IMD મુંબઈના ડિરેક્ટર સુનીલ કાંબલેએ જણાવ્યું હતું કે એકવાર ચક્રવાત આગળ વધે બાદમાં ભેજવાળું અને વાદળછાયું વાતાવરણ સ્થિતિને કારણે બની શકે છે.
હવામાનશાસ્ત્રીઓ શિયાળાની શરૂઆતની પણ પુષ્ટિ કરી છે કારણ કે શહેરમાં તાપમાનના સ્તરમાં ઘટાડો જોવા મળી રહ્યો છે. સુનિલ કાંબલેએ જણાવ્યું હતું કે મુંબઈમાં આગામી ચારથી પાંચ દિવસ સુધી ઠંડીનો આ સમય ચાલુ રહેવાની ધારણા છે.
તેમણે ઉમેર્યું હતું કે ઉત્તર દિશાના પવનને કારણે તાપમાનમાં ઘટાડો થઈ શકે છે અને આ સ્થિતિ આગામી સમયગાળા દરમ્યાન રહેવાની શક્યતા છે. આ ઉપરાંત મહારાષ્ટ્રના વિવિધ ભાગોમાં તાપમાન 15 ડિગ્રીથી નીચે ઉતરી ગયું છે.
આ પણ વાંચો : બસમાં જગ્યા ન મળતા યુવકે ચાલતી બસના પાછળના ભાગે લટકીને કરી મુસાફરી, જુઓ વીડિયો
જ્યારે સાન્તાક્રુઝ સ્ટેશને 20 ડિગ્રી નીચે તાપમાન નોંધાયું હતું, જ્યારે કોલાબા કોસ્ટલ વેધશાળાએ લઘુત્તમ તાપમાન 21 ડિગ્રી નોંધ્યું હતું, જે સામાન્ય મર્યાદા કરતાં બે ડિગ્રી ઓછું હતું.
મહત્તમ તાપમાનમાં પણ ઘટાડો થયો હતો, કોલાબામાં પ્રાદેશિક હવામાન કેન્દ્રે ગુરુવારે 30.2 ડિગ્રીનો અહેવાલ આપ્યો હતો, જે સામાન્ય કરતાં ત્રણ ડિગ્રી ઓછું હતું. દરમિયાન, સાંતાક્રુઝ સ્ટેશન પર તાપમાન 31.5 ડિગ્રી સેલ્સિયસ નોંધાયું હતું, જે સામાન્ય કરતાં બે ડિગ્રી ઓછું હતું.
