Casino માં મહારાષ્ટ્ર ભાજપના અધ્યક્ષ કે અન્ય કોઈ ? સંજય રાઉતે ફોટો કર્યો શેર

ઉદ્ધવ ઠાકરેની આગેવાની હેઠળની શિવસેના (UBT)ના દિગ્ગજ નેતા સંજય રાઉતે ભાજપના પ્રદેશ અધ્યક્ષ ચંદ્રશેખર બાવનકુલે પર સનસનાટીભર્યો આરોપ લગાવ્યો છે. રાજ્યસભાના સાંસદ રાઉતે પણ ટ્વિટર પર મહારાષ્ટ્ર બીજેપીના વડા કથિત રીતે કેસિનોમાં જુગાર રમતા હોવાની તસવીર પોસ્ટ કરી છે.

બીજી તરફ, રાઉત પર વળતો પ્રહાર કરતા ભાજપે આદિત્ય ઠાકરેની એક તસવીર પણ ટ્વીટ કરી છે, જેમાં તેઓ ગ્લાસમાં કંઈક પીતા જોવા મળે છે. હવે આને લઈને રાજ્યનું રાજકારણ ગરમાયું છે. કોંગ્રેસે પણ આ મામલે તપાસની માંગ કરી છે.

સંજય રાઉતે દાવો કર્યો છે કે ભાજપના પ્રદેશ અધ્યક્ષ ચંદ્રશેખર બાવનકુલે મકાઉના કેસિનોમાં જુગાર રમી રહ્યા છે. તેણે તેનો એક ફોટો પણ ટ્વીટ કર્યો છે. જોકે, મહારાષ્ટ્ર બીજેપીએ સંજય રાઉતના ટ્વીટ પર સ્પષ્ટતા કરતા કહ્યું છે કે બાવનકુલે ક્યારેય જુગાર નથી રમ્યા.

ભાજપે જાહેર કર્યું નિવેદન

બીજેપીએ આદિત્ય ઠાકરેની તસવીર ટ્વીટ કરીને કહ્યું કે, આ કેસિનો એ જ હોટલમાં છે જ્યાં ચંદ્રશેખર બાવનકુલે તેમના પરિવાર સાથે રોકાયા છે. જો કે, જેમનું જીવન જ એક જુગાર છે તેઓ આનાથી આગળ જોઈ શકતા નથી. સંજય રાઉત ભાઈ જરા જણાવો કે આદિત્ય ઠાકરેના ગ્લાસમાં કઈ બ્રાન્ડની વ્હિસ્કી છે?

સંજય રાઉતે ગંભીર આરોપ લગાવ્યા હતા

શિવસેના (UBT) સાંસદ સંજય રાઉતે આજે બપોરે તેમના ટ્વિટર એકાઉન્ટ પર એક તસવીર પોસ્ટ કરી, જેમાં કથિત રીતે ભાજપના નેતા ચંદ્રશેખર બાવનકુલેને કેસિનોમાં બેઠેલા દર્શાવવામાં આવ્યા છે. રાઉતે કહ્યું, “મને ખબર નથી કે તે કોની તસવીર છે. કોઈએ મને કહ્યું કે તે મહારાષ્ટ્રનો એક મોટો માણસ છે અને મકાઉના એક કેસિનોમાં છે.