Aryan Khan Release: આર્યન ખાન મન્નત પહોંચ્યો, ફેન્સની ભીડ ઉમટી પડી, ફટાકડાની આતશબાજીથી કરવામાં આવ્યું સ્વાગત

શાહરૂખ ખાનનો પુત્ર આર્યન ખાન જેલમાંથી બહાર આવ્યો છે. શાહરૂખ ખાનની સફેદ કાર રેન્જ રોવરની પાછળની સીટ પર બેસીને તે પોતાના ઘર મન્નત જવા રવાના થયો હતો. આર્યન ખાન સવારે 11.02 વાગ્યે જેલમાંથી બહાર આવ્યો હતો અને 11.34 વાગ્યે  તેના ઘર ‘મન્નત’માં પ્રવેશ્યો હતો.

આખરે 28 દિવસ બાદ આર્યન ખાન મન્નત પહોંચ્યો છે.  જ્યાં ફેન્સની ભીડ જામી છે. પરંતુ ફેન્સને આર્યનની ઝલક જોવા મળી ના હતી.

આર્યન  ખાન આજે જેલમાંથી બહાર આવ્યો છે.  ફટાકડાની આતશબાજીથી ભવ્ય સ્વાગત કરવામાં આવ્યું છે.

આખરે ફેન્સની આતુરતાનો અંત આવ્યો છે. આર્યન ખાન જેલની બહાર આવી ગયો છે.

જો આરોપી આમાંની કોઈપણ શરતોનું ઉલ્લંઘન કરે છે, તો NCBને તેમના જામીન રદ કરવા માટે સીધા જ સ્પેશિયલ જજ/કોર્ટમાં અરજી કરવાનો અધિકાર છે.

એકવાર ટ્રાયલ શરૂ થઈ જાય પછી, અરજદાર/આરોપી કોઈપણ રીતે ટ્રાયલમાં વિલંબ કરવાનો પ્રયાસ કરશે નહીં.

જ્યારે પણ બોલાવવામાં આવશે ત્યારે આરોપીએ NCB અધિકારીઓ સમક્ષ હાજર થવું પડશે.

આર્યનની પ્રક્રિયા પૂર્ણ થઇ છે. આર્યનને લેવા માટે ગાડી પણ આર્થર રોડ જેલ પહોંચી ગઈ છે, ગમે એ ઘડીએ બહાર આવી શકે છે.

કોઈપણ વ્યાજબી કારણ સિવાય આરોપી તમામ તારીખે કોર્ટમાં હાજર રહેશે.

આરોપીઓએ તેમની હાજરી ચિહ્નિત કરવા માટે દર શુક્રવારે સવારે 11 થી 2 વાગ્યાની વચ્ચે NCB મુંબઈ કાર્યાલયમાં હાજર રહેવું પડશે.

અરબાઝ મર્ચન્ટના પિતા આર્થર રોડ જેલમાં પહોંચી ગયા છે. અરબાઝ પણ આજે રિલીઝ થઈ શકે છે. મુમુન ધામેચા ભાયખલાની મહિલા જેલમાં બંધ છે.

જો આરોપીઓનેમુંબઈની બહાર જવાનું હોય, તો તેઓ તપાસ અધિકારીને જાણ કરશે અને તપાસ અધિકારીને તેમનો પ્રવાસ કાર્યક્રમ આપવો પડશે.

સ્પેશિયલ એનડીપીએસ જજ, બૃહદ મુંબઈની પૂર્વ પરવાનગી વિના આરોપી દેશ છોડશે નહીં.

આરોપીએ સ્પેશિયલ કોર્ટ સમક્ષ પેન્ડિંગ ઉપરોક્ત કાર્યવાહીના સંદર્ભમાં કોઈપણ મીડિયામાં કોઈ નિવેદન આપવું નહીં. (પ્રિન્ટ મીડિયા, ઇલેક્ટ્રોનિક મીડિયા અને સોશિયલ મીડિયા સહિત).

આરોપીઓએ તેમનો પાસપોર્ટ તાત્કાલિક સ્પેશિયલ કોર્ટ સમક્ષ રજૂ કરવાનો રહેશે.

આરોપી વ્યક્તિગત રીતે કે કોઈપણ માધ્યમથી સાક્ષીઓને પ્રભાવિત કરવાનો પ્રયાસ કરશે નહીં કે પુરાવા સાથે છેડછાડ કરશે નહીં.

જેલની બધી પ્રક્રિયા પૂર્ણ થઇ ગઈ છે. ગમે ત્યારે જેલની બહાર આવી જશે આર્યન ખાન.

આરોપીએ નામદાર સ્પેશિયલ કોર્ટની કાર્યવાહી પહેલાં કાર્યવાહી માટે પ્રતિકૂળ હોય તેવું કોઈ કૃત્ય કરવું નહીં.

આરોપીએ તેના સહ-આરોપી અથવા સમાન પ્રવૃત્તિઓ સાથે સંકળાયેલી અન્ય કોઈપણ વ્યક્તિ સાથે પ્રત્યક્ષ કે પરોક્ષ રીતે કોઈપણ રીતે સંપર્ક સ્થાપિત કરવાનો પ્રયાસ કરવો જોઈએ નહીં.

આરોપીઓ તે પ્રવૃત્તિઓ જેવી કોઈપણ પ્રવૃતિઓમાં સંલગ્ન રહેશે નહીં જેના આધારે તેમની સામે NDPS એક્ટ હેઠળ કેસ નોંધવામાં આવે છે.

કોર્ટના આદેશ મુજબ આરોપીએ 1 લાખ રૂપિયાના પીઆર બોન્ડ આપવા પડશે. તે એક અથવા વધુ સુરક્ષા થાપણો સાથે રજૂ કરી શકાય છે.

જેલ અધિકારીઓએ જણાવ્યું કે આર્યન ખાનને અન્ય કેટલાક કેદીઓ સાથે બપોરે 12 વાગ્યા સુધીમાં આર્થર રોડ જેલમાંથી મુક્ત કરવામાં આવશે.

આર્થર રોડ જેલના સુપ્રિટેન્ડેન્ટ નીતિન વાયચાલે કહ્યું કે અમને આર્યન ખાનની મુક્તિનો આદેશ મળ્યો છે. તેમની મુક્તિની પ્રક્રિયા 1-2 કલાકમાં પૂર્ણ કરવામાં આવશે.

જેલ અધિકારીઓએ શનિવારે સવારે જેલની બહાર સ્થિત જામીન પેટી ખોલીને આર્યનની મુક્તિ સંબંધિત કાગળો લીધા છે. જેલના એક સૂત્રએ જણાવ્યું હતું કે જેલની બહારનું ‘બેલ ઓર્ડર બોક્સ’ શનિવારે સવારે 5.30 વાગ્યે ખોલવામાં આવ્યું હતું અને અધિકારીઓએ છથી સાત જામીનના ઓર્ડર લીધા હતા. જેમાં આર્યન ખાન સાથે સંબંધિત એક ઓર્ડર પણ હતો. તે એક કલાકમાં જેલમાંથી બહાર આવી શકે છે.

આર્થર રોડ જેલ પહોંચ્યો શાહરુખ ખાન.

આર્થર રોડ જેલના જેલરનું નિવેદન સામે આવ્યું છે. આર્યન 10થી 12ની વચ્ચે જેલમાંથી બહાર આવી શકે છે.

આર્યનના ઘરે પરત ફરવા પર ફેન્સ પણ તેની પાંપણો ટેકવીને બેઠા છે. દરેક જગ્યાએ ફેન્સ આર્યનના સમર્થનમાં બેનર લઈને ઉભા છે. ચાહકોએ આર્યનને તેની વાપસીની પ્રતિજ્ઞા લેતા તેનું દિલથી સ્વાગત કર્યું છે. તેઓ ‘સ્ટે સ્ટ્રોંગ પ્રિન્સ આર્યન’ના બેનર સાથે આર્યનના પાછા ફરવાની રાહ જોઈ રહ્યા છે.

બોમ્બે હાઈકોર્ટે 14 જામીન શરતો સાથે પાંચ પાનાનો જામીનનો આદેશ જાહેર કર્યો છે. આમાં પાસપોર્ટ સરેન્ડર કરવા, સાક્ષીઓને પ્રભાવિત કરવા કે સહ-આરોપીનો સંપર્ક કરવા અને દર અઠવાડિયે NCB ઓફિસમાં હાજર થવાની શરતો છે.

કોર્ટે જામીન માટે એક કે બે જામીન સાથે રૂ. 1 લાખના બોન્ડ નક્કી કર્યા છે. આ સાથે એવું કહેવામાં આવ્યું છે કે તેઓ આવતા અઠવાડિયે કારણો સાથે વિગતવાર આદેશ જારી કરશે. અભિનેત્રી જૂહી ચાવલા એડવોકેટ સતીશ માનશિંદે સાથે સ્પેશિયલ NDPM કોર્ટમાં આર્યન માટે બેલિફ તરીકે હાજર થઈ હતી. વેપારી અને ધામેચા માટે કોઈ જામીન મળ્યા નથી.

આર્યન ખાન આજે જેલની બહાર આવશે. ત્યારે જેલની બહાર કડક સુરક્ષા તૈનાત કરવામાં આવી છે.

મળતી માહિતી મુજબ, અભિનેતા શાહરૂખ ખાન તેના બંગલા મન્નતથી આર્થર રોડ જેલ જવા માટે રવાના થઈ ગયો છે. આર્યન ગમે ત્યારે છૂટી શકે છે.

આર્યન ખાનની ડ્રગ્સ કેસ મામલે ધરપકડ  બાદ આજે  જેલમાંથી બહાર આવશે. લગભગ 10 વાગ્યે જેલની બહાર આવશે.

આર્યન ખાન 28 દિવસ બાદ ઘરે પરત ફરશે.  ડ્રગ્સ કેસ મામલે આર્યન ખાનની 2 ઓક્ટોબરે અટકાયત કરવામાં આવી હતી. 3 ઓક્ટોબરે તરની ધરપકડ કરવામાં આવી હતી.