લગ્નગાળો શરૂ થાય એટલે અઠવાડિયા દસ દિવસમાં એકાદ બે લગ્નમાં હાજરી આપવાનું તો થતું જ હોય છે. આવા કોઈ પ્રસંગે જતી વખતે આધુનિક યુવતી પણ સાડી પહેરવાને જ પ્રાધાન્ય આપે છે પણ ત્યારે સમસ્યા એ આવે કે ગમે તેટલી હેવી સાડી પહેરી હોય પણ સિમ્પલ બ્લાઉઝ હોય તો કોઈ પોતાના તરફ ધ્યાન શા માટે આપે? અને હવે એટલે જ હેવી સાડી સાથે ડિઝાઈનર બ્લાઉઝ પહેરવાનો ટ્રેન્ડ જોવા મળી રહ્યો છે. આજકાલ ચણિયા ચોળી પણ પહેરે છે, એવામાં ક્યારેક ઓઢની ઓઢે પણ છે અને ક્યારેક નથી પણ પહેરતી.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
ચણિયા ચોળીની ચોળી જ એવી રીતે સિવડાવેલી હોય છે કે ઓઢની ઓઢી ન હોય તો પણ ખરાબ ન લાગે. સિમ્પલ સ્ટાઈલથી સિવેલી ચોળી પર રબારી ભરત કે આભલા ટાંકીને આકર્ષક બનાવી શકાય છે અને સાથે ચોલીને મેચિંગ પર્સ લટકાવી દેવાય છે. બ્લેક કલરની સાડી હવે કોઈ પ્રસંગમાં ન પહેરાય એવા કોઈ બંધન રહ્યા નથી, એમાંય જો બ્લેક કલરની સાડીમાં જો ગોલ્ડન સ્કર્ટ બોર્ડર હોય તો તેનો ગેટઅપ જ અનેરો આવે છે.
જ્યારે ઘણી યુવતીઓ એવી સ્ટાઈલના બ્લાઉઝ સીવડાવે છે કે સાડીનો પાલવ વ્યવસ્થિત રહેવાની સાથે તેની અનોખી પેટર્ન અને એમ્બ્રોઈડરી પણ લોકોને દેખાય. ઘણી યુવતીઓ સિમ્પલ બ્લાઉઝ સિવડાવીને તેની આગળની તરફ યોક લગાવડાવે છે અને તેની ફ્લેર ધરાવતી સ્લીવ યોકથી શરૂ થાય છે. આની સાથે સાડી પહેરો કે માત્ર હેવી ચણીયો અને સાથે ઓઢી લો ઓઢણી તો સૌની નજર તમારા પરથી ખસવાનું નામ નહીં લે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Published On - 8:02 pm, Sat, 26 September 20