ગરમીની સિઝનમાં ટ્રેન્ડમાં ચાલી રહ્યા છે કોલ્ડ શોલ્ડર ડ્રેસ

ગરમી આવે એટલે કેવા કપડાં પહેરવા એ સૌથી મોટો સવાલ યુવતીઓને સતાવતો હોય છે પણ હવે તેના માટે ફેશન પણ જળવાઈ રહે અને ગરમી પણ ન લાગે એવા વિકલ્પવાળો કોઈ ટ્રેન્ડી અને સ્ટાઈલિશ ડ્રેસ છે તો તે છે કોલ્ડ શોલ્ડર ડ્રેસ. અત્યાર સુધી વર્ક ફ્રોમ હોમમાં ઘરે નાઈટ પેન્ટ કે જૂની ટીશર્ટ અને પાયજામા પહેરીને દિવસો કાઢી નાંખ્યા પણ હવે જ્યારે બહાર નીકળવું પડશે, ત્યારે કેવા કપડાં પહેરશો એ વિચાર સતાવી રહ્યો છે? હવે તો થોડા ડિસન્ટ લાગે અને છતાં ગરમી ન લાગે એવા ડ્રેસ પહેરવાની વધારે જરૂર લાગે છે.

જો તમારે ઓફિસનું કામ ન હોય અને કદાચ બહાર જવું પડે તો તમે કોલ્ડ શોલ્ડર ડ્રેસ પસંદ કરી શકો છો. કોલ્ડ શોલ્ડર ડ્રેસ એટલે કોઈપણ ડ્રેસ હોય, ફ્રોક, કુર્તી, શોર્ટ ટોપ, લોન્ગ કુર્તી, વનપીસ, મીડી, લોન્ગ ફ્રોક, ગાઉન તેના બાકીની સ્લીવ ફૂલ હોય કે થ્રિ ફોર્થ પણ તેમાં પાન શેપમાં ખભા પાસેથી કટ કરેલ હોય છે. હોઝિયરી મટિરિયલમાંથી બનેલું કોલ્ડ શોલ્ડર વનપીસ ઘર તેમજ વર્ક ફ્રોમ હોમ દરમ્યાન સારું રહે છે. ચેકસ અને તેની સાથે રફલ તો આજની યુવતીના ફેવરિટ છે. રેડ એન્ડ વ્હાઈટની લેન્થ વનપીસમાં થ્રિ ફોર્થ સ્લીવ પર ઝીણી રફલ અને બોર્ડર પર એ જ ડિઝાઈનમાં ડબલ રફલ હોય તે યુવતીની પહેલી પસંદગી બને છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો