ભાવનગર ગ્રામ્યમાં ભારે વરસાદથી જનજીવન અસ્તવ્યસ્ત,મહુવા, ઉંચા કોટડા તેમજ દાઠાનાં 20થી વધારે ગામમાં અવરજવર બંધ,1 કલાકમાં જ 4 ઈંચ વરસાદ વરસતા સમગ્ર વિસ્તારમાં જળબંબાકારની સ્થિતિ

ભાવનગરમાં મહુવાના છાપરી ગામ અને આસપાસના વિસ્તારમાં ભારે વરસાદ થયો છે. 1 કલાકમાં જ 4 ઈંચ વરસાદ વરસતા સમગ્ર વિસ્તારમાં જળબંબાકારની સ્થિતિ સર્જાઈ છે નદી-નાળા છલકાયા છે જ્યાં નજર કરો ત્યાં બસ પાણી જ પાણી જોવા મળી રહ્યું છે. તો વાઘનગર નદીમાં પણ ઘોડાપૂર આવતા મહુવા, ઉંચા કોટડા તેમજ દાઠાનાં 20થી વધારે ગામમાં અવરજવર બંધ કરી દેવાઈ છે અને પાણી ન ઉતરે ત્યાં સુધી 20 ગામનો સંપર્ક કપાઈ ગયો છે. વરસાદનું જોર મહુવાના ગ્રામ્ય વિસ્તારમાં પણ રહ્યું છે મહુવાના બેલમપર નદીમાં પણ પાણીની પુષ્કળ આવક થવા પામી છે.