લો કરી લો વાત !, આ શહેરમાં ઉંદરોનો નાશ કરવા અધિકારીની નિમણૂક કરવામાં આવી, પગાર જાણીને તમારી આંખો પણ પહોળી થઈ જશે !
અમેરિકાના એક શહેરમાં ઉંદરોને ખતમ કરવા માટે એક અધિકારીની નિમણૂક કરવામાં આવી છે અને આ કામ માટે તેને દર વર્ષે કરોડો રૂપિયાનો પગાર પણ મળે છે.
ન્યૂયોર્કના મેયર એરિક એડમ્સે બુધવારે કેથલીન કોરાડી નામના વ્યક્તિને 'રોડેન્ટ મિટિગેશનના ડિરેક્ટર' એટલે કે રેટ જારના પદ પર નિયુક્ત કર્યા છે એટલે કે ઉંદર ખતમ કરવા માટે તેમની નિયુક્તી કરવામાં આવી છે. કેથલીન અગાઉ શિક્ષણ વિભાગમાં ઉંદરોની સંખ્યા ઘટાડવા માટે અનેક ઝુંબેશ પણ ચલાવી ચૂકી છે. જણાવી દઈએ કે શહેરના મેયર છેલ્લા ઘણા સમયથી આ પદ માટે એક વ્યક્તિની શોધમાં હતા. આ કામ માટે કેથલીનને વાર્ષિક $1.20 લાખથી $1.70 લાખની વચ્ચે પગાર મળશે. જો તેને ભારતીય નાણાંમાં ફેરવવામાં આવે તો કેથલીનને વાર્ષિક 97.70 લાખથી 1.38 કરોડ રૂપિયા પગાર તરીકે મળશે. ( ફોટો ક્રેડિટ - ગુગલ )
તમને જણાવી દઈએ કે છેલ્લા કેટલાક વર્ષોમાં ન્યૂયોર્કમાં ઉંદરોની સંખ્યા ઘણી વધી ગઈ છે. એક આંકડા પ્રમાણે શહેરમાં 30 લાખથી વધુ ઉંદરો અહીં-ત્યાં રહે છે. જો કે એવું નથી કે અગાઉ તેમને ઘટાડવાના પ્રયાસો શહેરમાં થયા ન હતા, પરંતુ તેમ છતાં તેમાં સફળતા મળી રહી નથી. હવે જ્યારે કેથલીન ચાર્જમાં છે, ત્યારે ઉંદરોની સંખ્યામાં ઘટાડો થવાની ધારણા છે. ( ફોટો ક્રેડિટ - ગુગલ )
Published On - 4:51 pm, Sat, 15 April 23
