અમેરિકાના વિદેશ મંત્રાલયે આ જાણકારી આપી છે. ભારતને છેલ્લા 1 દાયકાથી આ હેલિકોપ્ટરની જરૂરીયાત હતી. લોકહીડ માર્ટીન દ્વારા બનાવેલા આ હેલિકોપ્ટર સબમરીન અને જહાજો પર નિશાનો સાધવા માટે સક્ષમ છે. આ હેલિકોપ્ટર સમુદ્રમાં શોધવા અને બચાવ કામગીરી માટે પણ ઉપયોગી છે.
ટ્રમ્પ સરકારે જાહેર કર્યુ કે તેમને 24 MH-60 ખુબ ઉપયોગી હેલીકોપ્ટરની ખરીદીને મંજૂરી આપી દીધી છે. આ હેલીકોપ્ટર ભારતીય સુરક્ષા દળોને સબમરીન યુધ્ધ મિશનને સફળતાપૂર્વક હાથ ધરવામાં સક્ષમ હશે. આ હેલિકોપ્ટરની ખરીદીથી ભારત અને અમેરિકાના સંબંધો મજબૂત કરીને અમેરિકાની વિદેશ નીતિ અને રાષ્ટ્રીય સુરક્ષાને મજબૂત કરવામાં મદદ થશે.
આ હેલિકોપ્ટરની કિંમત લગભગ 2.4 અરબ ડોલર હશે. આ ખરીદીથી સુરક્ષામાં વધારો થશે. વધેલી ક્ષમતાથી ભારતને પ્રાદેશિક ધમકીઓનો સામનો કરવામાં મદદ મળશે અને તેમની સુરક્ષા મજબૂત થશે. ભારતને આ હેલિકોપ્ટરોને સુરક્ષા દળોમાં સામેલ કરવામાં કોઈ મુશ્કેલી નહીં થાય.
આ હેલિકોપ્ટરોને દુનિયાના સૌથી આધુનિક હેલિકોપ્ટર માનવામાં આવે છે. આ હેલિકોપ્ટર ભારતીય નૌકાદળની તાકાતમાં વધારો કરશે. ચીનના આક્રમક વ્યવહારને ધ્યાનમાં રાખીને ભારત માટે આ હેલિકોપ્ટર જરૂરી છે.
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]