આ દેશે બદલ્યું પોતાનું ચલણ, માત્ર એક રૂપિયો હવે બની ગયો 10 લાખ, બજારમાં આવશે 10, 20, 50 અને 100ની નવી નોટો

વેનેઝુએલાએ (Venezuela) જાહેરાત કરી છે કે, તે સ્થાનિક ચલણને 10 લાખથી બદલીને માત્ર એક બોલિવર (Bolivar) કરી દીધું છે. બોલિવરમાં આ ફેરફાર 1 ઓક્ટોબરથી અમલમાં આવશે. નવી ચલણ વ્યવસ્થા હેઠળ 10 લાખ બોલિવરની વર્તમાન કિંમત એક બોલિવર બની જશે. નિરંકુશ ફુગાવા સામે લડી રહેલા દક્ષિણ અમેરિકાના દેશનું ચલણ વર્ષોથી ઘટી રહ્યું છે. વેનેઝુએલા ડિજિટલ સિક્કા ‘રિઝર્વ’ પર આધારિત ક્રિપ્ટોકરન્સી ક્રાંતિ દ્વારા પરિસ્થિતિને સામાન્ય બનાવવાનો પ્રયાસ કરી રહ્યું છે. ડિજિટલ ચલણ માર્ચ 2020થી ચલણમાં છે. તેનો હેતુ દેશની અર્થવ્યવસ્થાને પુનર્જીવિત કરવાનો છે.

દસ લાખ બોલિવરના નોટને નાબૂદ કરવાનો નિર્ણય દેશ દ્વારા અમલમાં મુકવામાં આવેલા ચલણ પરિવર્તનનો બીજો પ્રયોગ હશે. નવા ફેરફારો પછી નવી 100 બોલિવર નોટ સૌથી મોટી નોટ હશે. કોમ્યુનિકેશન મિનિસ્ટર ફ્રેડી નાનેઝે ટ્વિટ કર્યું કે, દેશની સેન્ટ્રલ બેંક 5, 10, 20, 50 અને 100 બોલિવર અને એક બોલિવર સિક્કાની સાથે નવી નોટો બહાર પાડશે.

આ ફેરફારો 1 ઓક્ટોબરથી નવી નોટો બહાર પાડવાની સાથે અમલમાં આવશે. વેનેઝુએલાએ આર્થિક મંદીના છઠ્ઠા વર્ષમાં પ્રવેશ કર્યો છે. યુએસ ડોલરની વધતી કિંમતને કારણે ખાદ્ય પદાર્થોના ભાવ આસમાને પહોંચ્યા છે અને લાખો લોકો ગરીબ બની ગયા છે.

શૂન્યને ઘટાડવાનો પહેલેથી જ પ્રયોગ થઈ ચૂક્યો છે

આ વર્ષે મે મહિનામાં વેનેઝુએલાના ઉપભોક્તા કિંમતોમાં 28.5%નો વધારો થયો છે અને વાર્ષિક ફુગાવાનો દર 2,719% ને વટાવી ગયો છે. વધુમાં, વેનેઝુએલાનું માસિક લઘુતમ વેતન ત્રણ ડોલર હતું. હકીકત એ છે કે છેલ્લા એક દાયકામાં બે સમાન ફેરફારો કરવામાં આવ્યા હતા, પરંતુ તે વેનેઝુએલામાં આર્થિક પરિસ્થિતિને બદલવા માટે બહુ ઓછું કર્યું છે. આ જ કારણ છે કે, આ વખતે પણ નોટોમાં ફેરફાર અંગે લોકોમાં શંકા છે. 2008માં ભૂતપૂર્વ રાષ્ટ્રપતિ હ્યુગો ચાવેઝે બોલિવરમાંથી ત્રણ શૂન્ય દૂર કરવાનો નિર્ણય કર્યો હતો. તેમના અનુગામી નિકોલસ માદુરોએ 2018માં પાંચ-શૂન્યની નોટો હટાવી દીધી હતી.

પાંચ લિટર પાણીની કિંમત 74 લાખ બોલિવર છે

વેનેઝુએલાની કેન્દ્રીય બેંક એક બોલિવર સિક્કો અને પાંચથી 100ની નવી નોટો સહિતની નોટો છાપશે. સરકારે નાગરિકોને શક્ય એટલું ડિજિટલ બોલીવરનો ઉપયોગ કરવા કહ્યું છે. અત્યારે બજારમાં દસ લાખ બોલિવરની અછત છે. વધતી જતી મોંઘવારીને કારણે, પાંચ લિટર પાણીની બોટલ ખરીદવા માટે 7.4 મિલિયન બોલિવરની જરૂર છે, જે $ 1.84 જેટલી છે. આનાથી વેનેઝુએલાની કથળતી આર્થિક સ્થિતિ અંગે અંદાજ લગાવી શકાય છે.

આ પણ વાંચો: Tokyo Olympics 2020 Live : રેસલર બજરંગ પૂનિયાએ જીતી બીજી મેચ,ઇરાનના પહેલવાનને આપી મ્હાત,પહોંચ્યા સેમીફાઇનલમાં, રોમાંચક મુકાબલા બાદ ભારતીય મહિલા હૉકી ટીમની હાર, પણ બ્રિટેનને આપી જોરદાર ટક્કર

આ પણ વાંચો: Women’s Hockey Team : PM મોદીએ કહ્યું મહિલા હોકી ટીમ પર ગર્વ, ભારતની દીકરીઓ હૃદયને સ્પર્શી ગઈ