Sundar Pichai: હું એક અમેરિકન નાગરિક છું પણ મારી અંદર ભારત વસેલું છે, Google CEOએ ઓપન ઇન્ટરનેટને લઈ કરી આ વાત
ગૂગલના સીઈઓ સુંદર પિચાઈને તેના મૂળ વિશે પૂછવામાં આવ્યું ત્યારે તેમણે કહ્યું કે, હું અમેરિકન નાગરિક છું પણ ભારત મારી અંદર વસે છે.
ગૂગલના સીઈઓ (Google CEO) સુંદર પિચાઇએ એક ખાનગી ચેનલ સાથે વાત કરતાં કહ્યું હતું કે, ઘણા દેશોમાં “ફ્રી અને ઓપન ઇન્ટરનેટ” (Free and Open Internet) પર હુમલો થઈ રહ્યો છે. પિચાઈએ જણાવ્યું હતું કે, ઘણા દેશો માહિતીના પ્રવાહને પ્રતિબંધિત કરવાનો પ્રયાસ કરી રહ્યા છે. તેમણે સીધા જ ચીનનો (China) ઉલ્લેખ નહોતો કર્યો પણ કહ્યું હતું કે, આપણા મોટા ઉત્પાદનો અને સેવાઓ ચીનમાં ઉપલબ્ધ નથી.
મહત્વનું છે કે, જ્યારે 49 વર્ષીય પિચાઈને તેના મૂળ વિશે પૂછવામાં આવ્યું ત્યારે તેમણે કહ્યું કે, હું અમેરિકન નાગરિક છું પણ ભારત મારી અંદર વસે છે. તેથી હું જે કાઈ પણ છું તેનો મોટો ભાગ ભારત છે. આર્ટિફિશિયલ ઇન્ટેલિજન્સ પર વાત કરતા પિચાઈએ કહ્યું કે, હું આર્ટિફિશિયલ ઇન્ટેલિજન્સને સૌથી શક્તિશાળી ટેક્નોલોજી તરીકે જોઉં છું.
તેમણે કહ્યું કે, આર્ટિફિશિયલ ઇન્ટેલિજન્સને મનુષ્ય વિકસિત કરશે અને તેના પર કામ કરશે. જો તમે આગ, વીજળી અથવા ઇન્ટરનેટ વિશે વિચારો છો તો આર્ટિફિશિયલ ઇન્ટેલિજન્સ તેના જેવું જ છે. તાજેતરમાં જ અમેરિકી રાષ્ટ્રપતિ જો બાઈડેને રશિયન રાષ્ટ્રપતિ વ્લાદિમીર પુતિન સાથે ફોન પર વાત કરી હતી અને સાયબર સુરક્ષાના મુદ્દે ચર્ચા કરી હતી. જિનીવામાં બંને નેતાઓની બેઠક મળ્યાના એક મહિનામાં જ આ ચર્ચા થઈ.
આ પણ વાંચો: Panchmahal: કાલોલ GIDCની ખાનગી કંપનીમાં ભીષણ આગ, ફાયર બ્રિગેડની ટીમ ઘટના સ્થળે