Pollution Effect : રશિયામાં શ્વાનનો રંગ બદલાઇને થઇ ગયો ભૂરો, ભારતમાં પણ આ પ્રકારની ઘટના બની ચૂકી છે

તમે ક્યારેય રંગીન શ્વાન જોયા છે ? તમે કહેશો હાં ભારતમાં હોળી ધૂટેળી બાદ અમે ઘણા શ્વાનને રંગમાં રંગાયેલા જોયા છે. પરંતુ એક જગ્યા એવી છે જ્યાં હોળી નથી રમાતી તેમ છતા ત્યાંના ડોગ્સનો કલર બદલાઇ ગયો છે. આ શ્વાન અચાનક જ ભૂરા રંગમાં ફેરવાઇ ગયા છે. ખરેખર ઘટના કઇંક આમ છે કે રશિયા ઝેકઝિંક્સ નામના શહેરમાં શ્વાનના રંગ અચાનક જ ભૂરા થઇ ગયા છે. તમને જણાવી દઇએ કે કેટલાક વર્ષો પહેલા ભારતમાં પણ આ પ્રકારની એક ઘટના જોવા મળી હતી.

રશિયાના એક સરકારી મીડિયા સંસ્થાન રિયા નોવોસ્તીની એક રિપોર્ટ મુજબ શ્વાન પર આ ભૂરો રંગ નુક્સાનકારક રસાયણોને કારણે ચઢ્યો છે. એક ખાલી પડેલા કેમિકલ પ્લાન્ટની આસપાસ રહેતા આ ડોગીઓ પોતનો રંગ બદલી રહ્યા છે. આ વાતને લઇને જાનવરો માટે કામ કરનાર કેટલીક સંસ્થાઓ પણ અવાજ ઉઠાવી રહી છે.

મીડિયા રિપોર્ટ્સ અનુસાર, આ કેમિકલ પ્લાન્ટમાં પહેલા પ્લેક્સીગ્લાસ અને હાઇડ્રોસાઇનિક એસિડનું ઉત્પાદન કરવામાં આવતુ હતુ. જેના કારણે પાણીમાં હાઇડ્રોજન સાઇનાઇડ ભળી ગયુ છે. આ ખૂબ જ ઝેરી રસાયણ છે જે કેટલાક પ્રકારના ઘાટક પોલીમર્સને વધારવાનું કામ કરે છે. વૈજ્ઞાનિકોનું માનવુ છે કે આ શ્વાન પર જે કેમિકલના કારણે રંગ ચઢ્યો છે તે કોપર સલ્ફેટ છે. આ કેમિકલનો ઉપયોગ ઘણી બધી ઔદ્યોગિક જરૂરિયાતોને પૂર્ણ કરવામાં થાય છે.

વૈજ્ઞાનિકો હજી એ નથી જાણી શક્યા કે શ્વાનના શરીરમાં આ કેમિકલ કઇ રીતે પ્રવેશ્યુ છે પરંતુ આ કેમિકલ તેમના સ્વાસ્થ્ય પર ખરાબ પ્રભાવ પાડે છે. આ કેમિકલના સંપર્કમાં આવવાથી તેમનો રંગ તો બદલાય જ રહ્યો છે પરંતુ સાથે સાથે તેમની ત્વચા પર જલન, ખુજલી અને શરીરની અંદર બ્લીડિંગની સમસ્યાઓ જોવા મળી રહી છે. આ કેમિકલના કારણે ઘણા બધા ડોગીના મોત પણ થઇ ચૂક્યા છે.

આ પણ વાંચો –

Happy Birthday Lata Mangeshkar : ‘લગ જા ગલે’ થી ‘અઝીબ દાસ્તાન હૈ યે’ સુધી લતા મંગેશકરના સદાબહાર ગીતો સાંભળો

આ પણ વાંચો –

SEBI Board Meeting Today : આજે માર્કેટ રેગ્યુલેટર આ મુદ્દાઓ ઉપર ચર્ચાના અંતે મહત્વના નિર્ણય લઈ શકે છે, જાણો વિગતવાર