London News : લંડનમાં યહૂદી શાળાઓ બંધ રાખવાનો નિર્ણય, યહૂદી-પેલેસ્ટાઈનના વિરોધને કારણે લેવાયો નિર્ણય
હમાસ અને ઈઝરાયેલ વચ્ચેનું યુદ્ધ વિશ્વ માટે ખતરાની ઘંટી બની ગયું છે. વિશ્વના અન્ય દેશોમાં રહેતા પેલેસ્ટિનિયનો અને યહૂદીઓ વચ્ચે સંઘર્ષના અહેવાલો સામે આવ્યા છે. યહૂદીઓ પ્રત્યે પેલેસ્ટિનિયન સમર્થકોના આક્રમક વલણને ધ્યાનમાં રાખીને લંડનની ઘણી યહૂદી શાળાઓએ વાલીઓને જાણ કરી છે કે હમાસ અને ઈઝરાયેલ વચ્ચે સુરક્ષાના કારણોસર શુક્રવારે શાળાઓ બંધ રહેશે.
London : ઇઝરાયેલ અને હમાસ વચ્ચે યુદ્ધ (War) ચાલુ છે. એકબીજાને ખતમ કરવાના ઈરાદે આ યુદ્ધને ઉગ્ર બન્યું છે. 7 ઓક્ટોબરે હમાસે ઈઝરાયેલ પર 5 હજાર રોકેટ છોડ્યા હતા. જે બાદ ઈઝરાયેલે પણ હમાસને ખતમ કરવાનો નિર્ણય લીધો છે. ત્યારથી બંને પર સતત બોમ્બમારો થઈ રહ્યો છે. આ યુદ્ધને કારણે વિશ્વભરના દેશોમાં ચિંતાનો માહોલ છે.
એક તરફ યુક્રેન અને રશિયા વચ્ચે યુદ્ધ અટક્યું નથી તો બીજી તરફ હમાસ અને ઈઝરાયેલ વચ્ચેનું યુદ્ધ વિશ્વ માટે ખતરાની ઘંટી બની ગયું છે. વિશ્વના અન્ય દેશોમાં રહેતા પેલેસ્ટિનિયનો અને યહૂદીઓ વચ્ચે સંઘર્ષના અહેવાલો સામે આવ્યા છે. યહૂદીઓ પ્રત્યે પેલેસ્ટિનિયન સમર્થકોના આક્રમક વલણને ધ્યાનમાં રાખીને લંડનની ઘણી યહૂદી શાળાઓએ વાલીઓને જાણ કરી છે કે હમાસ અને ઈઝરાયેલ વચ્ચે સુરક્ષાના કારણોસર શુક્રવારે શાળાઓ બંધ રહેશે.
ઈઝરાયેલ વિરોધી પ્રદર્શનના ડરથી લેવાયો નિર્ણય
ઉત્તર લંડનના બાર્નેટ વિસ્તારમાં આવેલી મેનોરાહ હાઈસ્કૂલ, તોરાહ વોડાસ પ્રાઈમરી સ્કૂલ અને એટેરેસ બેઈસ યાકોવે ગુરુવારે વાલીઓને પત્ર મોકલ્યા હતા. જેમાં કહેવામાં આવ્યું હતું કે તેમને કેમ્પસની આસપાસ ઈઝરાયેલ વિરોધી પ્રદર્શનનો ડર હતો.
ચેરિટી કોમ્યુનિટી સિક્યોરિટી ટ્રસ્ટના પ્રવક્તાએ દાવો કર્યો છે કે, ઈઝરાયેલ-હમાસ યુદ્ધ પછી છેલ્લા ચાર દિવસમાં 139 વિરોધી સેમિટિક ઘટનાઓ નોંધાઈ છે. પ્રવક્તાએ જણાવ્યું હતું કે તમામ યહૂદી શાળાઓમાં સુરક્ષા ગાર્ડ છે જેમને સરકાર દ્વારા નિયુક્ત કરવામાં આવ્યા છે. UK સરકારે સુરક્ષા ગાર્ડના ખર્ચ માટે વધારાના 3 મિલિયન પાઉન્ડ ફાળવવાનું વચન આપ્યું છે.
ઈઝરાયેલ અને હમાસ વચ્ચેના યુદ્ધ અંગે બ્રિટિશ પીએમ ઋષિ સુનાકે કહ્યું કે, આ અઠવાડિયે આપણે જે પ્રકારની ભયાનક તસવીરો જોઈ છે તેનું પુનરાવર્તન ન થાય તેની ખાતરી કરવા માટે આપણે સ્પષ્ટ રહેવું જોઈએ.
આંતરરાષ્ટ્રીય તમામ સમાચાર વાંચવા માટે અહીં ક્લિક કરો