Attack on Iraq PM : ઇરાકના વડાપ્રધાન ડ્રોન હુમલામાં માંડ-માંડ બચ્યા પરંતુ દેશમાં વધ્યો તણાવ, જાણો શું છે હાલત
Iraq PM Assasination Attempt: ઈરાકના વડાપ્રધાન મુસ્તફા અલ-કાધિમીની હત્યા કરવા માટે તેમના નિવાસસ્થાન પર ડ્રોનથી હુમલો કરવામાં આવ્યો હતો. પરંતુ સદનસીબે જીવ બચી ગયો છે.
Attack on Iraq PM Mustafa Al-Kadhimi: ઇરાકના (Iraq) વડા પ્રધાનની તેમના નિવાસસ્થાનને નિશાન બનાવીને સશસ્ત્ર ડ્રોન વડે હત્યા કરવાનો નિષ્ફળ પ્રયાસ કરવામાં આવ્યો હતો. આ બાદ રવિવારે બગદાદની આસપાસ સૈનિકો તૈનાત કરવામાં આવ્યા હતા. ગયા મહિને સંસદીય ચૂંટણીના પરિણામો સ્વીકારવા માટે ઈરાન સમર્થિત મિલિશિયાના ઇનકારને કારણે આ હુમલાએ તણાવમાં વધારો કર્યો છે.
બે ઇરાકી અધિકારીઓએ નામ ન આપવાની શરતે જણાવ્યું હતું કે બગદાદના ભારે કિલ્લેબંધીવાળા ‘ગ્રીન ઝોન’ વિસ્તારમાં ઓછામાં ઓછા બે સશસ્ત્ર ડ્રોન દ્વારા કરવામાં આવેલા હુમલામાં વડાપ્રધાન મુસ્તફા અલ-કાધિમીના (Mustafa Al-Kadhimi) સાત સુરક્ષાકર્મીઓ ઘાયલ થયા હતા.
આ મામલે અલ-કાધિમીને કોઈ મોટી ઈજા થઈ ન હતી. પાછળથી તે ઈરાકી ટેલિવિઝન પર સફેદ શર્ટ પહેરીને અને શાંત જોવા મળ્યા હતા. તેના ડાબા હાથ પર પાટો જોવા મળ્યો હતો. એક સાથીદારે થોડી ઇજા થઇ હોવાની પુષ્ટિ કરી હતી. વડાપ્રધાને કહ્યું હતું કે, “કાયરતાપૂર્ણ રોકેટ અને ડ્રોન હુમલાઓ ન તો દેશનું નિર્માણ કરે છે અને ન તો ભવિષ્યનું નિર્માણ કરે છે.” બાદમાં રવિવારે તેમણે ઇરાકી પ્રમુખ બરહામ સાલિહને મળ્યા અને સરકારી સુરક્ષા બેઠકની અધ્યક્ષતા કરી હતી.
વિસ્ફોટનો અવાજ પણ સંભળાયો
બગદાદના રહેવાસીઓએ વિદેશી દૂતાવાસો અને સરકારી કચેરીઓ ધરાવતા ગ્રીન ઝોનની દિશામાંથી વિસ્ફોટનો અવાજ સંભળાયો હતો. ત્યારબાદ ગોળીબાર થયો હતો. તસ્વીર બતાવે છે કે તૂટેલી બારીઓ અને દરવાજા સહિત અલ-કાધિમીના રહેઠાણને ક્ષતિગ્રસ્ત થયા છે. આ હુમલાની જવાબદારી કોઈએ લીધી ન હતી. પરંતુ ઈરાન સમર્થિત મિલિશિયા પર તરત જ શંકા વ્યક્ત કરવામાં આવી હતી, જેઓ જાહેરમાં અલ-કાધિમીને નિશાન બનાવી રહ્યા હતા અને ધમકી આપી રહ્યા હતા.
ચૂંટણી પરિણામો નામંજૂર
તે સુરક્ષા દળો અને ઈરાની તરફી શિયા મિલિશિયા વચ્ચેના મડાગાંઠ વચ્ચે આવે છે. જેમના સમર્થકો લગભગ એક મહિનાથી ગ્રીન ઝોનની બહાર કેમ્પ કરી રહ્યા છે. તેઓ ઇરાકની સંસદીય ચૂંટણીઓના પરિણામોને નકારી કાઢ્યા પછી ભેગા થયા હતા. તેઓ ચૂંટણીમાં તેમની લગભગ બે તૃતીયાંશ બેઠકો ગુમાવી ચૂક્યા હતા. વિશ્વભરના દેશોએ આ હુમલાની ટીકા કરી છે. અમેરિકાએ તેને આતંકવાદી હુમલો ગણાવ્યો છે.
આ પણ વાંચો : Naagin 6 : એકતા કપૂરે નાગિન સિઝન 6ની કરી જાહેરાત, આ તારીખથી શરૂ થશે નવો શો
આ પણ વાંચો : Earthquake: આંદામાન અને નિકોબાર અને પોર્ટ બ્લેરમાં ભૂકંપના આંચકા, 4.3ની તીવ્રતા