ગર્વની વાત: મૂળ ભારતીય પત્રકારને મેઘા રાજગોપાલનને અમેરિકાનો પત્રકારત્વનો શ્રેષ્ઠ એવોર્ડ મળ્યો

મૂળ ભારતીય પત્રકાર મેઘા રાજગોપાલન (Megha Rajagopalan)ને અમેરિકાનો ટોપ જર્નાલિઝમ સમ્માન ‘પુલિત્ઝર’ (Pulitzer) એનાયત કરવામાં આવ્યો છે. ખરેખર મેઘાએ સેટેલાઇટ ટેકનોલોજીની મદદથી ચીનનો ભયંકર ચહેરો છતો કર્યો. પોતાના અહેવાલમાં મેઘાએ તે ઉઇગર મુસ્લિમોની દશા અને હાલતની વિગતો આપી હતી, જેઓ ચીનમાં અટકાયત કેન્દ્રોમાં બંધ છે.

પુલિત્ઝર બોર્ડે શુક્રવારે એવોર્ડની ઘોષણા કરી હતી. મેઘાની સાથે, ઇન્ટરનેટ મીડિયા બઝફીડ ન્યૂઝના બે પત્રકારોને પણ આ સન્માનથી નવાજવામાં આવ્યા છે. મેઘા ​​ઉપરાંત ભારતીય મૂળના પત્રકાર નીલ બેદીને (Neil Bedi) સ્થાનિક રીપોર્ટીંગની કેટેગરીમાં પુલિત્ઝર પુરસ્કારથી સન્માનિત કરવામાં આવ્યા છે.

નીલે ટેમ્પા બે ટાઇમ્સ (Tampa Bay Times) માટે એક સંપાદક સાથે મળીને ઇન્વેસ્ટીગેશન સ્ટોરી કરી હતી. જેમાં ફ્લોરિડામાં કાયદા અમલીકરણ અધિકારીઓ દ્વારા બાળકોની તસ્કરી મુદ્દે લખ્યું હતું. કોલમ્બિયા યુનિવર્સિટીની ગ્રેજ્યુએટ સ્કૂલ ઓફ જર્નાલિઝમ ખાતે પુલિત્ઝર બોર્ડ દ્વારા રજૂ કરાયેલ પુલિટ્ઝર પ્રાઇઝનું આ 105 મુ વર્ષ છે.

મહામારીના આ સમયના કારણે આ અવોર્ડ વર્ચ્યુઅર્લ થઇ રહ્યા છે. જેમાં અશ્વેત જોર્જ ફ્લોયડ પર તૈયાર કરવામાં આવેલા રિપોર્ટને પણ સન્માન મળ્યું. બ્રેકિંગ ન્યૂઝ કેટેગરીમાં મિનીયાપોલિસ પોલીસે જ્યોર્જ ફ્લોઇડના મૃત્યુના કવરેજ માટે સ્ટાર ટ્રિબ્યુન સ્ટાફનું સન્માન કર્યું.

ઈન્વેસ્ટીગેશન રીપોર્ટીંગ સ્ટોરીમાં ખતરનાક ટ્રક ડ્રાઈવરો વિશે જાણકારી જાહેર કરવામાં નિષ્ફળ રાજ્ય સરકારોને ઉજાગર કરતી રીપોર્ટીંગ માટે ધ બોસ્ટન ગ્લોબના મેટ રોશેલ્યુ, વર્નલ કોલમેન, લૌરા ક્રિમલડી, ઇવાન એલન અને બ્રેન્ડન મૈકાર્થીને એવોર્ડ અપાયો હતો.

આ પણ વાંચો: ‘Taarak Mehta…’ ના કલાકાર એક સમયે દેખાતા હતા આવા, જેઠાલાલના આ લૂક પર થઇ જશો ફિદા

આ પણ વાંચો: ભગવાન શ્રી રામની ભક્તિમાં લીન થઇ ઐશ્વર્યા રાયની લાડલી, ઝૂમીને ગાયુ ભજન, જુઓ Video