Breaking News : પાણીની અછતે લંડનની સ્થિતિ ખરાબ કરી, એરપોર્ટના ટોયલેટ અને રેસ્ટોરન્ટ આઉટ ઓફ સર્વિસ
પાણીની અછતને કારણે લંડનની સ્થિતિ વધુ ખરાબ થઈ ગઈ છે, જેના કારણે એરપોર્ટના ટોઈલેટ અને રેસ્ટોરન્ટ બંધ થઈ ગયા છે. રવિવારે લંડનના ગેટવિક એરપોર્ટ પર પાણી ભરાઈ જવાને કારણે મુસાફરોને મોટી અસુવિધાનો સામનો કરવો પડ્યો હતો.
લંડનના ગૈટવિક એરપોર્ટથી રવિવારે પસાર થનાર મુસાફરોને મોટી સમસ્યાનો સામનો કરવો પડ્યો હતો. આ પરેશાનીનું કારણ બીજું કાંઈ નહી પરંતુ પાણી હતુ. રિપોર્ટ મુજબ વોટર ટ્રીટમેન્ટ પ્લાન્ટમાં વીજળી ગુલ થવાને કારણે એરપોર્ટનો પાણી પુરવઠો ખોરવાઈ ગયો હતો, જેના કારણે ટોઈલેટ અને રેસ્ટોરન્ટ બંધ કરવા પડ્યા હતા. એરપોર્ટ વહીવટીતંત્રે અસુવિધા બદલ માફી માંગી હતી.
એરપોર્ટના અધિકારીઓના જણાવ્યા મુજબ પાણીની સપ્લાઈ ન થવાના કારણે બંને ટર્મિનલોમાં ટોયલેટ અને રેસ્ટોરન્ટ બંધ કરવા પડ્યા હતા. અધિકારીઓએ કહ્યું કે, તે સ્થાનિક પાણી કંપની સાથે મળી જલ્દી સેવા શરુ કરશે.
A local water supply issue is continuing to cause disruption. There is currently no water supply in either terminal.
Our staff are on hand to support passengers and provide assistance where needed, some restaurant partners have opened to provide additional seating.
We apologise… pic.twitter.com/B5UZHB1680
— London Gatwick LGW (@Gatwick_Airport) July 26, 2026
લાઈટ જતા મુશ્કેલીઓ વધી
પાણી પુરવઠા કંપની SES વોટરે જણાવ્યું હતું કે તેના બાયુ બીચ વોટર ટ્રીટમેન્ટ વર્ક્સમાં વીજળી ગુલ થઈ ગઈ હતી, જેના પરિણામે કેન્ટ અને સસેક્સ કાઉન્ટીના કેટલાક વિસ્તારોમાં તેમજ એરપોર્ટ પર પાણીની સપ્લાઈ બંધ થઈ હતી. કંપનીએ જણાવ્યું હતું કે શક્ય તેટલી વહેલી તકે સેવા પુનઃસ્થાપિત કરવાના પ્રયાસો ચાલી રહ્યા છે.
મુસાફરોએ નારાજગી વ્યક્ત કરી
યાત્રિકોએ આ દાવાને રદ કરતા કહ્યું કે, પાણી બંધ થવાની કોઈ જાણકારી તેને મળી નથી. આ સાથે એ પણ કહ્યું કે, એરપોર્ટ પર કોઈ પાણીની બોટલો વહેંચતા જોવા મળ્યા ન હતા. એક મુસાફરે, પોલ, કહ્યું, જે લોકોને ટોઈલેટનો ઉપયોગ કરવાની જરૂર છે તેમના માટે આ સારું નથી. હું ટૂંક સમયમાં ઉડાન ભરી રહ્યો છું, તેથી કોઈ સમસ્યા નથી, પરંતુજેની ફ્લાઈટ મોડી છે. તે મુસાફરો માટે તે એક સમસ્યા છે.
