Afghanistan Crisis: PM નરેન્દ્ર મોદીએ ઇટાલીના PM સાથે કરી ફોન પર વાત, અફઘાનિસ્તાનની સ્થિતિ પર કરી ચર્ચા
બંને નેતાઓએ COP-26 જેવી આગામી બહુપક્ષીય પરિષદો વિશે વિચારોની આપલે કરી
Afghanistan Crisis: વડા પ્રધાન નરેન્દ્ર મોદી (PM Narendra Modi) એ શુક્રવારે ઇટાલીના વડા પ્રધાન મારિયો ડ્રેગી (Mario Draghi, Prime Minister of Italy) સાથે વાત કરી અને અફઘાનિસ્તાન પર તાલિબાનના કબજા બાદ ઉભી થયેલી સુરક્ષાની સ્થિતિને ધ્યાનમાં રાખીને આંતરરાષ્ટ્રીય સ્તરે સંકલિત પ્રયાસોની જરૂરિયાત પર ભાર મૂક્યો.
એક ટ્વીટમાં વડાપ્રધાન મોદીએ કહ્યું કે તેમણે ઈટાલીના વડાપ્રધાન મારિયો ડ્રેગી સાથે વાત કરી અને અફઘાનિસ્તાનની તાજેતરની પરિસ્થિતિ પર સંકલિત આંતરરાષ્ટ્રીય પ્રયાસની જરૂરિયાત અંગે ચર્ચા કરી. એમ પણ કહ્યું કે અમે G-20માં સહયોગ અને જળવાયુ પરિવર્તન જેવા અન્ય મહત્વના મુદ્દાઓ પર પણ ચર્ચા કરી.
બાદમાં, વડાપ્રધાન કાર્યાલય દ્વારા જારી કરવામાં આવેલા નિવેદનમાં કહેવામાં આવ્યું હતું કે બંને નેતાઓએ ફોન ચર્ચા દરમિયાન અફઘાનિસ્તાનની તાજેતરની પરિસ્થિતિ અને વિશ્વ અને ક્ષેત્ર પર તેની અસર અંગે ચર્ચા કરી હતી. PMO ના જણાવ્યા અનુસાર, બંને નેતાઓએ કાબુલ ઇન્ટરનેશનલ એરપોર્ટ પર જીવલેણ આતંકવાદી હુમલા (Kabul Airport Attack) ની સખત નિંદા કરી હતી અને ત્યાં ફસાયેલા લોકોને સુરક્ષિત બહાર કાઢવા પર ભાર મૂક્યો હતો.
Prime Minister Narendra Modi spoke on telephone with his Italian counterpart Mario Draghi. The leaders discussed the recent developments in Afghanistan and its implications for the region and the world: PMO pic.twitter.com/aXJPNrsW8q
— ANI (@ANI) August 27, 2021
બંને નેતાઓએ G20 ના એજન્ડા સાથે સંબંધિત અન્ય મહત્વના વિષયો પર ચર્ચા કરી.
PMO કહ્યું કે, બંને નેતાઓએ અફઘાનિસ્તાનની પરિસ્થિતિથી ઉભી થયેલી માનવતાવાદી અને સુરક્ષા કટોકટીને ઉકેલવા માટે જી -20 સહિત આંતરરાષ્ટ્રીય સ્તરે સહકારની જરૂરિયાત પર ભાર મૂક્યો હતો. બંને નેતાઓએ G20 એજન્ડા સાથે સંબંધિત અન્ય મહત્વના વિષયો પર પણ ચર્ચા કરી, જેમાં જળવાયુ પરિવર્તન (Climate Change) નો સમાવેશ થાય છે.
આ સંદર્ભે, બંને નેતાઓએ COP-26 જેવી આગામી બહુપક્ષીય પરિષદો વિશે વિચારોની આપલે કરી. PMO એ કહ્યું કે G20માં ચર્ચાઓને સફળતાપૂર્વક આગળ વધારવા માટે મોદીએ ઇટાલીના ઉત્કૃષ્ટ નેતૃત્વની પ્રશંસા કરી. બંને નેતાઓ દ્વિપક્ષીય અને વૈશ્વિક મુદ્દાઓ, ખાસ કરીને અફઘાનિસ્તાનની સ્થિતિ પર સંપર્કમાં રહેવા સંમત થયા.
અફઘાનિસ્તાનમાં કથળતી પરિસ્થિતિને જોતા વડાપ્રધાન વિશ્વના નેતાઓ સાથે ચર્ચા કરી રહ્યા છે. આ પહેલા તેમણે રશિયાના રાષ્ટ્રપતિ વ્લાદિમીર પુતિન અને જર્મન ચાન્સેલર એન્જેલા મર્કેલ સાથે વાત કરી છે.
આ પણ વાંચો: ISIS-K પર મોટી કાર્યવાહીની તૈયારી કરી રહ્યું છે અમેરિકા, કાબુલ એરપોર્ટ પર ફ્લાઈટ ફરી શરૂ
આ પણ વાંચો: Horoscope Today: દૈનિક રાશિફળ, વૃષભ 28 ઓગસ્ટ: આજનો દિવસ રહેશે થોડો પડકારજનક, મહિલા વર્ગ માટે દિવસ સારો