ફેશન ઇન્ડસ્ટ્રીમાં ફ્રુટ પ્રિન્ટ ડિઝાઈનનાં ડ્રેસની બોલબાલા, દરેક સિઝનમાં ચાલી શકે છે ફ્રુટ પ્રિન્ટ ડિઝાઇનના ડ્રેસ

ફેશન ઇન્ડસ્ટ્રીમાં હાલમાં ફ્રુટ પ્રિન્ટ ડિઝાઇન બહુ લોકપ્રિય છે. આ ફેશન પ્રિન્ટમાં લેમન, ચેરી, વોટરમેલન અને ઓરેન્જની ડિઝાઇન વધારે લોકપ્રિય છે. પહેલા તેને સમર ટ્રેન્ડમાં જ પહેરવામાં આવતું હતું પણ હવે યુવતીઓ પોતાના મૂડ પ્રમાણે તે દરેક સીઝનમાં પહેરતી થઈ ગઇ છે.

ફ્રુટ પ્રિન્ટની ડિઝાઇન અલગ અલગ રંગમાં ઉપલબ્ધ છે. આ ડિઝાઇન હળવા રંગમાં સારી લાગે છે. પણ જો સ્ટાઈલિશ લુક હોય તો ડાર્ક રંગમાં પણ તે સારી લાગે છે.

ફ્રુટ પ્રિન્ટના ડ્રેસની ડિઝાઇનમાં પણ અનોખું વૈવિધ્ય જોવા મળે છે. દરેક યુવતીને તેની પસંદગી પ્રમાણે ઝીણી અને મોટી ડિઝાઇનવાળી ફ્રુટ પ્રિન્ટ મળી રહે છે. સામાન્ય રીતે ઝીણી ડિઝાઇનમાં બેરી, ચેરી અને જાંબુ જેવા નાના ફળોની અને મોટી ડિઝાઇનમાં લીંબુ, વોટરમેલન અને ઓરેન્જની ડિઝાઇન ફેવરિટ છે.

ફ્રુટ પ્રિન્ટની ડિઝાઇન દરેક પ્રકારના મટિરિયલમાં ઉપલબ્ધ છે અને તેનો રંગ બ્રાઇટ હોવાના કારણે તે દરેક પ્રકારના મટિરિયલમાં સારી લાગે છે. ઉનાળામાં ગરમી ન લાગે એવા સુતરાઉ અને લિનન ફેબ્રિક, શિયાળામાં જાડું અને ચોમાસામાં ઝડપથી સુકાઈ જાય એવું મટીરીયલ પસંદ કરવું જોઈએ.

ફ્રુટ પ્રિન્ટ ડિઝાઈનના ડ્રેસ દરેક પ્રકારની સ્ટાઇલમાં ઉપલબ્ધ છે. ઓફ શોલ્ડરઝ, લોન્ગ સ્લીવ્ઝ, ડેનિમ શોર્ટઝ, સ્ટાઈલિશ ટ્રાઉઝર અને બેલબોટમ પણ પહેરી શકાય છે.