કેન્દ્ર સરકારની પોલિસી પ્રમાણે અત્યારે BS6 એન્જિન ધરાવતા વાહનો વેચાય છે. 2020 પછીના પેટ્રોલ-ડીઝલના વાહનોમાં CNG કીટ લગાવવાની પરવાનગી મળી નથી. ત્યારે વાહન ચાલકોની તકલીફ વધી છે. પેટ્રોલના વધતા ભાવ વચ્ચે વાહન ચાલકો પ્રમાણમાં સસ્તી CNG કીટ લગાવવા માગે છે. પરંતુ RTO પરવાનગી આપતું નથી. પેટ્રોલનો ભાવ 100 રૂપિયાને આંબીને હજુ પણ આગળ વધી રહ્યો હોવાથી વાહન ચાલકો હાલાકી ભોગવી રહ્યાં છે. ત્યારે CNG ના પણ ભાવ તો વધ્યા જ છે. પરંતુ પેટ્રોલના પ્રમાણમાં તે સસ્તું અને વધુ એવરેજ આપતું હોવાથી સામાન્ય માણસના ખિસ્સા પર એટલો બોજ નથી નાખતું. પરંતુ નવી ગાડીઓ ધરાવતા લોકો મૂંઝવણમાં મુકાયા છે.
ત્યારે તમને જણાવી દઈએ કે પેટ્રોલ-ડીઝલના ભાવમાં ભડકા વચ્ચે રોજ મોટી સંખ્યામાં લોકો CNG કીટ ફીટ કરાવવા અંગે પૂછપરછ કરે છે. પરંતુ સરકારી નિયમોના કારણે CNG કીટ લગાવી શકતા નથી. જો CNG કીટ લગાવવાની પરવાનગી મળે તો વાહન ચાલકોને કિલોમીટર દીઠ પડતર ખર્ચ ઘટે એમ છે. અને આર્થિક ફાયદો મળે તેમ છે. ત્યારે સામાન્ય માણસની આ અસામાન્ય મુસીબત સરકાર સમજે તેવી લોકોની અપીલ છે. પેટ્રોલ જ્યારે 100 ને પાર છે. ત્યારે BS6 એન્જિનની નવી ગાડીઓમાં CNG કીટની પરવાનગી આપવા માટે લોકો માગ કરી રહ્યા છે.
આ પણ વાંચો: શિવાંશની માતા મહેંદી ન મળતા પોલીસની તપાસનો ધમધમાટ, મહિલા પ્રેમીની હત્યાની આશંકા અંગે તપાસ
આ પણ વાંચો: પાક મરીન સિકયુરિટી એજન્સીની નાપાક હરકત, પોરબંદરની એક બોટ સાથે 6 માછીમારોનું અપહરણ થતા ખળભળાટ