Valsad : વાપીના મોરાઇ ગામે રાષ્ટ્રધ્વજના અપમાનનો બનાવ આવ્યો સામે, લોકોએ એક શખ્સને પકડી પાડ્યો
સ્થાનિક લોકોના (Locals ) કહેવા પ્રમાણે આજે કચરો નાંખવાની જગ્યા પર રાષ્ટ્રધ્વજ પણ ફેંકાયેલી હાલતમાં મળતા અમે અહીં પહોંચ્યા હતા. જોકે તેની સાથે એક શખ્સ પણ જોવા મળ્યો હતો.
વલસાડ(Valsad ) તાલુકામાં વાપીના મોરાઇમાં રાષ્ટ્રધ્વજના(Indian Flag ) અપમાનની ઘટના સામે આવી છે. બનાવની હકીકત એવી છે કે આજે બપોરના સુમારે વાપીના(Vapi ) મોરાઇ ગામ પાસે આવેલા એક ખુલ્લી જગ્યા પર કે જ્યાં ભંગાર ફેંકવામાં આવતું હતું તે કચરાના સ્થળે રાષ્ટ્રધ્વજ ફેંકાયેલી હાલતમાં મળી આવ્યો હતો. રાષ્ટ્રધ્વજના વિટાળીને તેમાં કચરો ભરવામાં આવ્યો હોય તેવી માહિતી ખબર પડતા જ લોકટોળા ભેગા થઇ ગયા હતા. ભંગાર ફેંકવા આવેલા એક શખ્સને પણ લોકોએ પકડી પાડ્યો હતો.
જોકે આવું કૃત્ય તેને કેમ કર્યું અથવા કોઈના કહેવા પર કર્યું છે કે કેમ તેની તપાસ હજી સુધી કરવામાં આવી રહી છે. રાષ્ટ્રધ્વજનું અપમાન થતા જ લોકોમાં ભારે આક્રોશનો માહોલ જોવા મળ્યો હતો. સ્થાનિક લોકોના કહેવા પ્રમાણે આજે કચરો નાંખવાની જગ્યા પર રાષ્ટ્રધ્વજ પણ ફેંકાયેલી હાલતમાં મળતા અમે અહીં પહોંચ્યા હતા. જોકે તેની સાથે એક શખ્સ પણ જોવા મળ્યો હતો. તે ક્યાંથી આવ્યો છે તે હજી સુધી ખબર પડી નથી.
આ વાત વાયુવેગે ફેલાતા જ લોકો સ્થળ પર એકઠા થઇ ગયા હતા અને મોબાઈલ શૂટિંગ શરૂ કર્યું હતું. જોતજોતામાં તેના વિડીયો પણ વાયરલ થઇ ગયા હતા. લોકોમાં એટલો ગુસ્સો હતો કે કેટલાક લોકોએ રાષ્ટ્રધ્વજનું અપમાન આ શખ્સને આડે હાથ પણ લીધો હતો.
(આ સમાચાર હજી અપડેટ થઇ રહ્યા છે)