VIDEO: વડોદરા એરપોર્ટ પર પેકેટમાં બોમ્બ એક્સપ્લોઝન પદાર્થ હોવાની શંકાએ પોલીસ દોડતી, તપાસમાં થયો આ ખુલાસો

વડોદરા એરપોર્ટના એરકાર્ગોમાં RDX સાથેનું પાર્સલ પકડાયાની વાત ફેલાતા અફડાતફડી મચી ગઈ હતી. જો કે, સુરક્ષા એજન્સીઓની તપાસમાં તે એરગનમાં વપરાતો પાઉડર હોવાનું માલુમ પડતા તંત્રના શ્વાસ હેઠા બેઠા હતા. પ્રાપ્ત થયેલી માહિતી પ્રમાણે વડોદરા એરપોર્ટના એરકાર્ગોમાં પાર્સલના સ્કેનીંગ દરમ્યાન તેમાં વિસ્ફોટક સામગ્રી હોવાનું કર્મચારીના ધ્યાને આવ્યું હતું જેને પગલે તરત જ સુરક્ષા એજન્સીઓને એલર્ટ કરવામાં આવી હતી.

આ પણ વાંચો: આજનું રાશિફળ: આ રાશીના જાતકો માટે આજે આર્થિક, સામાજિક અને પારિવારિક દૃષ્ટિએ લાભનો દિવસ

બોંબ ડીસ્પોઝલ સ્કવોડ વગેરે સાથે ઉચ્ચ અધિકારીઓ ઘટનાસ્થળે દોડી ગયા હતા. શંકાસ્પદ પાર્સલમાં આરડીએકસ હોવાની વાત ફેલાતા એરપોર્ટપર અફડાતફડીના માહોલ વચ્ચે સુરક્ષા જવાનોનો પહેરો વધારી દેવામાં આવ્યો હતો. શંકાસ્પદ પાર્સલની ચકાસણી કરવામાં આવી હતી. છેવટે તેમાં એરગનમાં વધારાનો પાઉડર હોવાનું માલુમ પડતા શ્વાસ હેઠા બેઠા હતા.

શંકાસ્પદ પાર્સલમાં આરડીએકસની વાત ફેલાતા તાબડતોડ કાર્યવાહી કરવામાં આવી હતી. જોકે બાદમાં FSLની તપાસમાં આ પાર્સલ સુરતની એક વ્યક્તિએ ખરીદેલી એરગનનું હોવાનું જાણવા મળ્યું હતું. જેનો કલર તેને નહીં ગમતા અમૃતસર પરત મોકલ્યું હતુ. અને તેમાં એરગન અને તેની કાર્ટીજ ઉપંરાત પોટેશિયમ ક્લોરાઈડ નામક પદાર્થ જે નાના-નાના ફટાકડા બનાવવામાં વપરાય છે તે હોવાનુ સામે આવ્યુ હતુ.

વાસ્તવમાં એરગન પાઉડર મોકલવાના સંજોગોમાં તેની જાણ કરવાની થાય છે. પરંતુ મોકલનાર દ્વારા તેની જાણ કરવામાં આવી ન હતી તેના કારણે પાર્સલ મોકલનાર વિરુદ્ધ કાયદેસરની કાર્યવાહી કરવામાં આવશે. એરકાર્ગો પાર્સલમાં કોઈ ખતરનાક ન નીકળતા એલર્ટ મોડ પર મુકાયેલા સુરક્ષા તંત્રએ હાશકારો અનુભવ્યો હતો.

[yop_poll id=”1″]

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો