Surendranagar : હોસ્પિટલના વર્ગ 3 અને 4ના કર્મીઓએ વિરોધ દર્શાવ્યો છે. સી.યુ. શાહ મેડિકલ કોલેજ એન્ડ હોસ્પિટલના કર્મચારીઓએ પડતર પ્રશ્નોનો ઉકેલ ન આવતા વિરોધ વ્યક્ત કર્યો છે. દસાડાના કોંગ્રેસના ધારાસભ્ય નૌશાદ સોલંકીની ઉપસ્થિતિમાં 200 જેટલા કર્મચારીઓએ હોસ્પિટલના કમ્પાઉન્ડમાં સૂત્રોચ્ચાર સાથે રેલી કાઢીને રોષ વ્યક્ત કર્યો. આ તમામ કર્મચારીઓ આઉટ સોર્સિંગના છે. તેમની માંગ છે કે કાયમી કરવામાં આવે અને પગાર વધારવામાં આવે. જો આગામી સમયમાં તેમની માંગો નહીં સંતોષાય તો ઉગ્ર આંદોલનની ચીમકી ઉચ્ચારવામાં આવી છે.