Surat: વીવનીટ એક્ઝિબિશનમાં 3 કિલો સોના ચાંદીની જરીથી બનેલી લહેંગા ચોળી પ્રદર્શનમાં મુકાશે, જાણો તેની કિંમત
મુંબઈ, ગ્વાલિયર, જયપુર, ભિવંડી, ઈન્દોર, બનારસ, લુધિયાણા સહિત 20થી વધુ શહેરોમાંથી બાયર્સે આવવાની તૈયારી બતાવી છે. આ ઉપરાંત ઈન્ટરનૅશનલમાંથી દુબઈ અને બાંગ્લાદેશના બાયર્સનું ડેલિગેશન પણ સુરત આવશે. જેમાં વોટરજેટ મશીન પર તૈયાર થયેલા 50થી વધુ ફેબ્રિક્સનું પહેલી વખત પ્રદર્શન હાથ ધરાશે.
આ લહેંગા ચોળી પર ચાંદીના તાર પર સોનાનું વરખ ચડાવવામાં આવ્યું છે. જે તેને ખુબ ખાસ બનાવે છે. આવી લહેંગા ચોળી બનારસમાં હેન્ડલૂમમાં બનાવવામાં આવે છે.
પરંતુ સુરતમાં પહેલીવાર વિવનીટ એક્ઝિબિશનમાં સુરતના વીવર્સ દ્વારા આ માસ્ટર પીસ તૈયાર કરાયો છે.
ચેમ્બર ઓફ કોમર્સ દ્વારા ત્રિદિવસીય ફેબ્રિક્સના એક્ઝિબિશનનું આયોજન કરવામાં આવ્યું છે. ટેક્નોલોજીના અપગ્રેડેશનની સાથે સાથે અવનવા તૈયાર થઈ રહેલા ફેબ્રિક્સની જાણ કરવા માટે ચેમ્બર ઓફ કોમર્સ દ્વારા આ એક્ઝિબિશન હાથ ધરવામાં આવ્યું છે.
બનારસમાં 6 કારીગરોને 1 મહિના જેટલો સમય લાગે છે. જયારે હવે સુરતમાં 1 કારીગર એક દિવસમાં જેકાર્ડ મશીન પર આવા 3 પીસ તૈયાર કરી શકશે. આવા અનેક આકર્ષણો ચેમ્બર દ્વારા યોજાનારા પ્રદર્શનમાં જોવા મળશે.
બનારસમાં હેન્ડલૂમમાં આવા લહેંગા ચોળી હાથેથી તૈયાર થાય છે. પણ સુરતમાં જેકાર્ડ રેપિયો મશીન પર તે તૈયાર કરવામાં આવ્યું છે.
આ એક્ઝિબિશનની ખાસિયત આ 3 કિલો જરીથી બનેલી લહેંગા ચોળી બની રહેવાની છે. અસ્સલ સુરતી જરી સાથે આ લહેંગા ચોળી તૈયાર કરવામાં આવી છે.
બનારસમાં હેન્ડલૂમમાં આ જરી બને છે. પણ સુરતમાં વીવર્સ દ્વારા હાઈસ્પીડ જેકાર્ડ મશીન પર આ લહેંગા ચોળી તૈયાર કરવામાં આવ્યા છે. જે તેની બીજી ખાસિયત છે.
પ્યોર ચાંદીના તાર પર ગોલ્ડની પ્લેટ ચડાવવામાં આવી છે. જેને બનાવવામાં 40 હજાર જેટલો ખર્ચો થયો છે. પણ વેચવા માટે તેની કિંમત લાખોમાં થાય છે.
