VIDEO: સુરતની જાણીતી સંઘવી એક્સપોર્ટ ઈન્ટરનેશનલ પ્રા.લી. કંપનીને બેંકની નોટિસ, 822 કરોડ રૂપિયાની વસુલાત અંગે BOI બેંકે આપી નોટિસ

સુરતમાં સૌથી જાણીતી એવી સંઘવી એક્સપોર્ટ ઈન્ટરનેશનલ પ્રા.લી. કંપનીને બેંક ઓફ ઇન્ડિયા (BOI)એ નોટિસ પાઠવી છે. બેન્કે રૂપિયા 822 કરોડની વસુલાત અંગે કંપનીને નોટિસ ફટકારી છે. કંપનીએ બેંક ઓફ ઈન્ડિયા સહિતની અન્ય 7 બેન્કો પાસેથી ક્રેડિટ લિમિટ લીધી હતી.

જે અંગે અગાઉ ફેબ્રુઆરી 2019માં પણ નોટિસ આપવામાં આવી હતી. જે અંગે સંઘવી ગ્રુપ દ્વારા બેંકને ગેરંટી પત્ર લખીને 60 દિવસમાં નાણાં ચૂકવી દેવાની બાંહેધરી પણ આપવામાં આવી હતી, તેમ છતાં નાણાં ન ચૂકવતા આખરે બેંકે નોટિસ ફટકારી છે.

મહત્વનું છે કે આ કંપની સુરતના જાણીતા હીરા ઉદ્યોગકાર ચંદ્રકાંત સંઘવીની છે. જો નોટિસનો યોગ્ય જવાબ નહીં મળે તો બેંક આગામી સમયમાં સંઘવી બંગ્લોઝ, સુરત અને મુંબઈની ઓફિસ તેમજ અન્ય મિલ્કતોને સીલ કરશે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો