રાજયમાં કોરોનાના કુલ 1,191 કેસ નોંધાયા, કુલ 11 દર્દીઓના મોત

પાછલા 24 કલાકમાં રાજ્યમાં 1,191 પોઝિટિવ કેસ સાથે 11 દર્દીઓના કોરોનાથી મોત નિપજ્યા. રાજ્યમાં કુલ સંક્રમિતોની સંખ્યા 1 લાખ 57 હજાર 474ને પાર પહોંચી છે. તો કોરોનાથી કુલ મૃત્યુઆંક 3,620 પર પહોંચ્યો છે. સુરતમાં સૌથી વધુ 268 પોઝિટિવ કેસ સાથે 3 દર્દીઓએ જીવ ગુમાવ્યો છે. જ્યારે અમદાવાદમાં 3 દર્દીઓના મોત સાથે 189 પોઝિટિવ કેસ નોંધાયા. તો વડોદરામાં 125 કેસ સાથે 1 દર્દીનું મોત નિપજ્યું. જ્યારે રાજકોટમાં 111 કેસ સાથે એક દર્દીનું મોત નિપજ્યું. તો ગાંધીનગર, બનાસકાંઠા, પંચમહાલમાં પણ એક-એક દર્દીએ જીવ ગુમાવ્યો. અમદાવાદ શહેરમાં 175 પોઝિટિવ કેસ નોંધાવાની સાથે 163 દર્દીઓ સાજા થયા. તો અમદાવાદ જિલ્લામાં 14 દર્દીઓ સંક્રમિત થવાની સાથે 14 દર્દીઓએ કોરોનાને મ્હાત આપી.