અમરેલીમાં અનરાધાર વરસાદ, અમરેલી, રાજુલા, ખાંભા, જાફરાબાદ શહેર-ગ્રામ્ય વિસ્તારોમાં ધોધમાર

સૌરાષ્ટ્રમાં ભારેથી અતિભારે વરસાદની આગાહી વચ્ચે, બપોર બાદ અમરેલી જિલ્લામાં અનરાધાર વરસાદ વરસ્યો છે. અમરેલી, રાજુલા, ખાંભા, જાફરાબાદ શહેર અને ગ્રામ્ય વિસ્તારોમાં ધોધમાર વરસાદથી નીચાણવાળા વિસ્તારોમાં પાણી ભરાઈ ગયા છે. અરબી સમુદ્રમાં સર્જાયેલ વરસાદી સિસ્ટમને કારણે આગામી સાત ઓગસ્ટ સુધી સૌરાષ્ટ્રમાં વરસાદની આગાહી કરવામાં આવી છે. ખાસ કરીને દરિયાકાંઠો ધરાવતા જિલ્લાના કેટલાક વિસ્તારોમાં ભારેથી અતિભારે વરસાદ વરસવાની આગાહી હવામાન વિભાગ દ્વારા કરવામાં આવી છે. આજે બપોર બાદ વરસેલા વરસાદથી અમરેલીના અનેક ગ્રામ્ય વિસ્તારોના બજારમાં પાણી ભરાયા હતા.