Mehsana: પાણી શુદ્ધિકરણ પ્લાન્ટ વિવાદમાં, 21 કરોડમાં બનનાર પ્લાન્ટ હવે 51 કરોડમાં બનશે
મહેસાણા ગુજરાત અર્બન ડેવલોપમેન્ટ કંપની હસ્તક સુએઝ ટ્રીટમેન્ટ પ્લાન્ટનું કામ પાંચ વર્ષ અગાઉ મુંબઈની એજન્સીને આપવામાં આવ્યું હતું.
મહેસાણા શહેરમાં ગટરના ગંદા પાણીના શુદ્ધિકરણ માટે પાંચ વર્ષ પહેલા પ્રોજેક્ટ મુકવામાં આવ્યો હતો. મહેસાણા ગુજરાત અર્બન ડેવલોપમેન્ટ કંપની હસ્તક સુએઝ ટ્રીટમેન્ટ પ્લાન્ટનું કામ પાંચ વર્ષ અગાઉ મુંબઈની એજન્સીને આપવામાં આવ્યું હતું.
પરંતુ મુંબઈની એજન્સીએ ગટરના ગંદા પાણીને શુદ્ધીકરણ માટેના સુએઝ ટ્રીટમેન્ટ પ્લાન્ટની (Water Treatment Plant) કામગીરી ધીમી ગતીએ કર્યું અને ત્યારબાદ કામ અધ્ધરતાલ મૂકી પલાયન થઇ ગઈ હતી. જેથી શુદ્ધિકરણના પ્લાન્ટનું કામ અટકી પડ્યું હતું. હવે આ કામ દિલ્લીની એન્વાયરો ઇન્ફ્રા કંપનીને આપવામાં આવ્યું છે, પરંતું જે પ્લાન્ટ 21 કરોડમાં બનવાનો હતો તે હવે 51 કરોડમાં બનશે અને આ જ કારણએ હવે કામને લઈને વિવાધ સર્જાયો છે.
