જૂનાગઢના માંગરોળમાં બે કલાકમાં ચાર ઈંચ વરસાદ, ખેતરોમાં ફરી વળ્યા વરસાદી પૂર

જૂનાગઢના માંગરોળમાં આજે સવારના 6થી 8 વાગ્યા સુધીના માત્ર બે કલાકમાં જ ધોધમાર 4 ઈંચ વરસાદ ખાબક્યો છે. અતિભારે વરસાદને પગલે, માંગરોળના નીચાણવાળા વિસ્તારોમાં પાણી ફરી વળ્યા છે. ચાર ઈંચ સુધીના વરસાદથી માંગરોળના ગ્રામ્ય વિસ્તારોના ખેતરોમાં પાણી ફરી વળ્યા છે. હવામાન વિભાગે આગાહી કર્યા મુજબ મધ્ય પૂર્વ અરબી સમુદ્રમાં ઉતર મહારાષ્ટ્ર સુધી સર્જાયેલા સાયક્લોનિક સરક્યુલેશનથી હજુ પણ સૌરાષ્ટ્રમાં ભારે વરસાદ વરસવાની આગાહી કરી છે. જૂનાગઢના માંગરોળની માફક જ ગીરસોમનાથના પણ દરિયાકાંઠા વિસ્તારમાં ભારે વરસાદ વરસ્યો છે.