JAMNAGAR : કાલાવડના આ ગામમાં એટલો વરસાદ પડ્યો કે JCB મશીન ડૂબી ગયું, જુઓ વિડીયો
નદીના ધસમસતા પ્રવાહમાં ડ્રાઈવર સહીત JCB મશીન ડૂબી ગયું હતું. જો કે આ ઘટનામાં JCB ડ્રાઈવરનો આબદ બચાવ થયો હતો.
JAMNAGAR : ગઈકાલે 25 જુલાઈએ રાજ્ય સાથે સૌરાષ્ટ્રભરમાં વરસાદ વરસ્યો હતો. રાજકોટ, જામનગર, જુનાગઢ, પોરબંદર, બોટાદ સહીતના સૌરાષ્ટ્રના જિલ્લાઓમાં વરસાદ પડ્યો હતો. વાત કરીએ જામનગરની તો જામનગરમાં કાલાવડ તાલુકામાં ધોધમાર વરસાદ વરસ્યો હતો. કાલાવડ તાલુકાના છતર ગામમાં 5 ઇંચ જેટલો વરસાદ પડતા સ્થાનિક નદીમાં પુર આવ્યું હતું. છતર ગામમાં એટલો વરસાદ પડ્યો કે ડ્રાઈવર સહીત JCB મશીન ડૂબી ગયું હતું. જો કે આ ઘટનામાં JCB ડ્રાઈવરનો આબદ બચાવ થયો હતો. કાલાવડ તાલુકાના છતર ગામમાં JCB મશીન ડૂબવાનો વિડીયો હાલ વાયરલ થઇ રહ્યો છે.
