International Women’s Day 2021: મળો એવી મહિલાને જે ખરા અર્થમાં કોરોના વોરિયર સાબિત થઈ

International Women’s Day 2021: વિશ્વભરમાં મહિલા દિવસની ઉજવણી થઈ રહી છે. સુરતની એક એવી નર્સ જેણે કોરોનાકાળમાં ખૂબ જ કપરી પરિસ્થિતિ વચ્ચે પણ પોતાની સેવાને અવિરત ચાલુ રાખી હતી. સુરતના પીડિયાટ્રિક વિભાગમાં કામ કરતા હેડ નર્સ ઊર્મિલા પ્રધાન અને તેમના પતિ કોરોનાગ્રસ્ત થયા હતા. કમનસીબે ઉર્મિલા પ્રધાને પોતાના જીવનસાથીને ગુમાવ્યા હતા. આ સમય કોઈપણ મહિલા માટે ખૂબ જ મુશ્કેલ હોય છે. પરિવારનો આધારસ્તંભ જ્યારે સાથ છોડીને ચાલ્યો જાય ત્યારે તે સમય પણ જાણે ખાવા દોડે તેવો હોય છે. પરંતુ ઉર્મિલા પ્રધાને હિંમત હારી ના હતી. તેમણે કોરોનાને મ્હાત આપી પોતાની જિંદગીમાં આવી પડેલી અણધારી આફતને પાર પાડી હતી. ફક્ત 20 દિવસમાં જ ફરીથી લોકોની સેવા કરવાનું શરૂ કરી દીધુ.

આ પણ વાંચો: BOTAD : રાણપુરમાં સાડી હેન્ડ વર્કનો ગૃહઉદ્યોગ ચલાવે છે ઝોયા, 500 મહિલાઓને આપે છે રોજગારી