Gujarat Corona Update : રાજ્યમાં કોરોનાના કેસો ફરી એક વાર વધી રહ્યા છે. રાજ્યમાં છેલ્લા દિવસથી 400થી વધુ નવા કેસ સામે આવી રહ્યા હતા, જયારે આજે 2જી માર્ચે પાંચમા દિવસે પણ આ ક્રમ યથાવત રહ્યો છે. રાજ્યમાં 2જી માર્ચના રોજ છેલ્લા 24 કલાકમાં કોરોનાના નવા 454 કેસ નોંધાયા છે, જયારે આ સમયગાળામાં કોરોનાને કારણે એક પણ મૃત્યુ થયું નથી.
રાજ્યના મહાનગરોમાં આજે નોંધાયેલા નવા કેસોની વાત કરીએ તો અમદાવાદમાં સૌથી વધુ 114, સુરતમાં 81, વડોદરામાં 74 અને રાજકોટમાં 45 નવા કેસ નોધાયા છે. રાજ્યમાં છેલ્લા 24 કલાકમાં 361 અને અત્યાર સુધીમાં કુલ 2,63,837 દર્દીઓને ડીસ્ચાર્જ કરવામાં આવ્યા છે. રાજ્યમાં કોરોનાના એક્ટીવ કેસ વધીને 2522 થયા છે.