GTUમાં યોજાયેલી ઓનલાઈન પરીક્ષામાં ડેટા લીકના મામલે હવે પોલીસ ફરિયાદ દાખલ,પ્રિ-ટેસ્ટના 1260 વિદ્યાર્થીઓનાં ડેટા લીક મુદ્દે સાયબર ક્રાઈમ કરશે તપાસ

GTUમાં યોજાયેલી ઓનલાઈન પરીક્ષામાં ડેટા લીકના મામલે હવે પોલીસ ફરિયાદ દાખલ થઈ છે અને સાયબર ક્રાઈમ આખા મુદ્દે હવે તપાસ કરશે. જણાવવું રહ્યું કે પરીક્ષા આપતા વિદ્યાર્થીઓના ફોટો અને ID પ્રૂફના ડેટાની ચોરી થઈ હતી અને ફોટો અને ID પ્રૂફના ડેટા વેબસાઇટ પર અપલોડ કરાયા હતા જે બાદ સમગ્ર મામલે સાયબર ક્રાઇમમાં ફરિયાદ GTUના રજિસ્ટ્રાર દ્વારા નોંધાવવામાં આવી છે.બે દિવસ અગાઉ લેવાયેલી પ્રિ-ટેસ્ટના 1260 વિદ્યાર્થીઓનો ડેટા લીક થતા વિવાદ થયો હતો. હાલમાં GTUના UG, PG ના વિદ્યાર્થીઓની ચાલી રહી છે પરીક્ષા અને તે વચ્ચે ડેટા લીક થતા વિદ્યાર્થીઓમાં રોષ વ્યાપી ગયો હતો.