GANDHINAGAR : પત્ની અને પ્રેમિકા વચ્ચે ફસાઈ ગયેલા સચિન દીક્ષિતે પ્રેમિકા હિનાની હત્યા કરી નાખી. આવી જ રીતે હિના પણ તેના પતિ અને પ્રેમી વચ્ચે ફસાયેલી હતી. હિના પેથાણી હત્યા કેસમાં ગાંધીનગર પોલીસની તપાસમાં ખુલાસો થયો છે કે પતિ અને પ્રેમી વચ્ચે ફસાયેલી પત્ની હિનાએ જીવન આસ્થાની ટીમની મદદ લીધી હતી..પત્નીની હત્યા અને બાળકને તરછોડવાના કેસની તપાસમાં નવો ખુલાસો થયો છે કે સચિનની પ્રેમિકા હિનાએ 1 નવેમ્બર 2019ના રોજ જીવન આસ્થા હેલ્પલાઇનમાં ફોન કર્યો હતો. 54 મિનિટ ચાલેલા ફોનમાં જીવન આસ્થાની ટીમના સભ્યએ હિનાને પ્રેમી સચિનને છોડીને પતિનો હાથ પકડવાની સલાહ આપી હતી.
તો આ કેસમાં વધુ એક ખુલાસો થયો છે કે સચિનના પ્રેમપ્રકરણથી તેનો પરિવાર વાકેફ હતો અને પરિવારને તેના પ્રેમ પ્રકરણની રજેરજની માહિતી હતી. શાહિબાગ પોલીસ મથકે આપેલી એક અરજીમાં ઉલ્લેખ કરાયો હતો કે સચિને પ્રેમિકા હિનાને લગ્નની સાથે કેનેડા લઇ જવાની લાલચ આપી હતી.સાથે જ 30 લાખ રૂપિયા આપીશ એટલે પત્ની છૂટાછેડા આપી દેશે તેવી પણ લાલચ આપ્યાનો ખુલાસો થયો છે.
આ પણ વાંચો : GUJARAT CORONA UPDATE : રાજ્યમાં 13 ઓક્ટોબરે કોરોનાના નવા 26 કેસ નોંધાયા, 20 દર્દીઓ સાજા થયા, એક પણ મૃત્યુ નહી