AHMEDABAD : રાજ્યમાં હાલ ચોમાસું સક્રિય છે અને વરસાદના બીજા રાઉન્ડમાં મેઘરાજા મન મુકીને વરસી રહ્યાં છે. રાજ્યમાં હજી પણ વરસાદી માહોલ યથાવત રહેશે. રાજસ્થાન ઉપર સર્જાયેલા સર્ક્યુલેશનના કારણે રાજ્યમાં વરસાદી માહોલ યથાવત રહેશે. રાજ્યના હવામાન વિભાગે આગામી પાંચ દિવસ હળવાથી મધ્યમ વરસાદની આગાહી કરી છે અને આ સાથે જ 27 અને 28 તારીખે રાજ્યમાં સાર્વત્રિક વરસાદની આગાહી કરવામાં આવી છે. રાજ્યમાં હાલ 14 ટકા વરસાદની ઘટ છે, પણ હવામાન વિભાગના જણાવ્યા પ્રમાણે આગામી સમયમાં જલ્દી જ આ ઘટ પૂરી થઇ જશે.
રાજ્યમાં હાલ ચોમાસું સક્રિય છે અને બીજા રાઉન્ડમાં મેઘરાજા ધુંવાધાર બેટિંગ કરી રહ્યાં છે. ગઈકાલે 23 સપ્ટેમ્બરે રાજ્યમાં આજે 50 તાલુકામાં આજે વરસાદ વરસ્યો હતો. આ તાલુકાઓમાં 1 ઇંચથી પોણા પોણા 8 ઇંચ સુધી વરસાદ પડ્યો છે.
સૌથી વધુ વરસાદ જામનગરના જોડીયામાં જોવા મળ્યો. અહિયાં પોણા 8 ઇંચ વરસાદ વરસતા વિસ્તારમાં ખુબ પાણી ભરાયા હતા, તો બીજી તરફ કચ્છના નખત્રાણામાં 4 ઇંચ વરસાદ થયો. તો સુરતના ઉમરપાડામાં 3 ઇંચ વરસાદ નોંધાયો છે. વલસાડમાં પણ મેઘરાજાએ ધમાકેદાર બેટિંગ કરી. વલસાડના કપરાડામાં પણ પોણા 3 ઇંચ વરસાદ વરસતા જળબંબાકારની સ્થિતિ ઉભી થઇ છે.
રાજ્યમાં અવિરત મેઘ મહેર યથાવત છે અને મેઘરાજા મન મુકીને વરસી રહ્યા છે. ગઈકાલે 23 સપ્ટેમ્બરે સુરતમાં વહેલી સવારથી મેઘરાજાએ ધમાકેદાર એન્ટ્રી કરી. અને શહેરને પાણી પાણી કરી દીધું. તો આ તરફ અમદાવાદના વિરમગામ, માંડલ પંથકમાં પણ મેઘ મહેર જોવા મળી. તો ભરૂચમાં ધોધમાર વરસાદ વરસ્યો અને ભારે વરસાદને પગલે ભરૂચના બજારોમાં નદીઓ વહેલા માંડી. તો કેટલાક લોકો પાણીમાં તણાયા. આ તરફ કચ્છમાં પણ મેઘાએ જોરદાર બેટિંગ કરી., અને રાપર તથા નખત્રાણામાં જળબંબાકારની સ્થિતિ સર્જાઇ.
આ પણ વાંચો : ત્રીજી લહેરની વાતો વચ્ચે ICMRના સર્વેમાં મોટો ખુલાસો, 75 ટકા એન્ટિબોડી સાથે ગુજરાત દેશભરમાં ચોથા ક્રમે
આ પણ વાંચો : AHMEDABAD : ફરજિયાત રસીકરણના કારણે AMCને રોજનું 5 થી 7 લાખ રૂપિયાનું નુકસાન