Devbhumi Dwarka: વીજપોલ ઉભા કરીને પૂરતું વળતર ન મળ્યું હોવાના કારણે ખેડૂતોનો વિરોધ યથાવત
દેવભૂમિ દ્વારકા જિલ્લાના ખંભાળીયાની આજુબાજુના ગામમાં JKTL કંપની દ્વારા ખેતરોમાં વીજ પોલ નાખીને પૂરતું વળતર ના આપ્યું હોય ખેડૂતો વિરોધ (Farmers protest) નોંધાવી રહ્યા છે.
દેવભૂમિ દ્વારકા (Devbhumi Dwarka) જિલ્લાના મુખ્યમથક જામ ખંભાળીયામાં ખેડૂતોની જમીનમાં વિજપોલ ઉભા કરવાને લઈને આંદોલન ચાલી રહ્યું છે. આંદોલનના ચોથા દિવસે ખંભાળીયા કલેકટર કચેરી ખાતે ડીમ લાઈટ બલ્બ કરી સરકારની નીતિનો વિરોધ કરી પૂરતું વળતર મળે તેવી માંગ ખેડૂતોએ કરી હતી.
દેવભૂમિ દ્વારકા જિલ્લાના ખંભાળીયાની આજુબાજુના ગામમાં JKTL કંપની દ્વારા ખેતરોમાં વીજ પોલ નાખીને પૂરતું વળતર ના આપ્યું હોય ખેડૂતો વિરોધ (Farmers protest) નોંધાવી રહ્યા છે. ખંભાળીયા તાલુકાના તરગળી ગામે આસપાસના 8 જેટલા ગામોના ખેડૂતોએ તાજેતરમાં વિરોધ કર્યો હતો. બાદમાં વડાલીયા સિંહણ ગામે પણ ખેડૂતોએ ખેતરોમાં વીજ કંપની દ્વારા વિજપોલ ઉભા કરવામાં આવેલ ખાડામાં બેસી વિરોધ કર્યો હતો. જ્યારે શનિવારે ખેડૂતોએ દેવભૂમિ દ્વારકા જિલ્લા કલેકટર કચેરી ખાતે એકઠા થઈને વિરોધ પ્રદર્શન કર્યું હતું.
આંદોલનને ઉગ્ર બનાવ્યું હતું. ખેડૂતો દ્વારા હાથમાં ડીમ લાઈટનો બલ્બ કરીને સરકારની નીતિનો વિરોધ કર્યો હતો. આ આંદોલનમાં સ્થાનિક ખેડૂતો સહિત ખેડૂતના નેતાઓ પણ સાથે રહ્યા હતા. પાલ અંબાલિયા, સાગર રબારી તેમજ રાજુભાઈ કરપડા સહિતના આગેવાનોએ પણ ખેડૂતોને સાથ આપી લડતમાં જોડાયા હતા.