VIDEO: અમદાવાદમાં બેંક લૂંટના કેસમાં પોલીસ કોન્સ્ટેબલના નામનો ખુલાસો, બંદૂક અપાવી હોવાનો આક્ષેપ

અમદાવાદના ઘાટલોડિયામાં IIFL ઓફિસમાં લૂંટના નિષ્ફળ પ્રયાસના કેસમાં પોલીસે વધુ એક આરોપીની ધરપકડ કરી છે. ઘાટલોડિયા પોલીસે હેડક્વાર્ટરમાં જ ફરજ બજાવતા પોલીસ કોન્સ્ટેબલ ગજેન્દ્રસિંહની ધરપકડ કરી છે. અગાઉ ઝડપાયેલા આરોપી ચિરાગ ભાવસારની પુછપરછ દરમિયાન આરોપી કોન્સ્ટેબલે તેને રાજસ્થાનથી રિવોલ્વર લાવવામાં મદદ કરી હોવાનું સામે આવ્યું છે. ત્યારે પોલીસે અન્ય આરોપી એવા કોન્સ્ટેબલની પણ ધરપકડ કરી છે. બંને આરોપીઓની ધરપકડ બાદ હાલ પોલીસે બંને આરોપીઓને સાથે રાખી વધુ તપાસ હાથ ધરી છે.

આ પણ વાંચોઃ VIDEO: ડાંગમાં નદી બે કાંઠે અને મહુવાના ઉમરામાં મધર ઈન્ડિયા ડેમ ઓવર ફ્લો થયો

મહત્વનું છે કે ગઈકાલે વસ્ત્રાપુરમાં IIFLની ઓફિસમાં બંદૂક બતાવી એક આરોપીએ લૂંટનો પ્રયાસ કર્યો હતો. જો કે બેંકના કર્મચારીઓની સર્તકતાથી આરોપી લૂંટ ચલાવવામાં નિષ્ફળ નિવડ્યો હતો. અને બાદમાં પોલીસે તેને જેલના સળિયા ગણતો કર્યો હતો. પોલીસે આરોપી ચિરાગ ભાવસારની પૂછપરછ કરતા તેણે કોન્સ્ટેબલની મદદ વડે રાજસ્થાનથી બંદૂક મગાવી હોવાનું સામે આવ્યું હતું. જેને લઈને પોલીસે આરોપીની મદદ કરનાર કોન્સ્ટેબલની પણ ધરપકડ કરી છે.