માતાનું દુધ પણ પ્લાઝમાની જેમ જ કોરોના સામે આપશે રક્ષણ, સંશોધન શરુ
આપણે જાણીએ છીએ તેમ માતાનું દૂધ નવજાત બાળકો માટે શ્રેષ્ઠ મનાય છે. અને એટલે જ તો તબીબો 6 મહિના સુધી બાળકોને ઉત્તમ આહાર તરીકે ફક્ત માતાનું દૂધ જ આપવાની પણ સલાહ આપે છે. પણ જાણીને નવાઈ લાગશે કે એક રિસર્ચ અનુસાર હવે કોરોના પોઝિટિવ માતાના દૂધમાં પણ કોરોના એન્ટીબોડીઝ મળી આવ્યા છે. જેનાથી પ્લાઝમાની જેમ […]
આપણે જાણીએ છીએ તેમ માતાનું દૂધ નવજાત બાળકો માટે શ્રેષ્ઠ મનાય છે. અને એટલે જ તો તબીબો 6 મહિના સુધી બાળકોને ઉત્તમ આહાર તરીકે ફક્ત માતાનું દૂધ જ આપવાની પણ સલાહ આપે છે. પણ જાણીને નવાઈ લાગશે કે એક રિસર્ચ અનુસાર હવે કોરોના પોઝિટિવ માતાના દૂધમાં પણ કોરોના એન્ટીબોડીઝ મળી આવ્યા છે. જેનાથી પ્લાઝમાની જેમ જ, આ દુધ પણ કોરોના પોઝીટીવ દર્દીને ઝડપથી સાજા કરવામાં મદદ કરશે, તેવી શક્યતાને લઈને સંશોધન શરુ થયુ છે.
માતાનું દૂધ નવજાત શિશુ માટે ટોનિક સમાન છે અને તેમાં બાળકની વૃધ્ધિ માટેના સમતોલ તત્વો હોય છે પરંતુ હવે તેની મદદ કોરોના પોઝિટિવ દર્દીઓને પણ મળી શકે છે. વૈજ્ઞાનિકોએ પ્રયોગશાળામાં 30 જેટલી કોરોના પોઝિટિવ મહિલાઓના દૂધમાં એન્ટીબોડીઝ મેળવ્યા હતા. આ એન્ટીબોડીઝ એટલા શક્તિશાળી છે કે તે સંક્રમિત લોકોના શરીરમાં પ્રતિરક્ષા વિકસિત કરવા સક્ષમ છે.
આ સ્ટડી નેધરલેન્ડમાં આવેલ એક ચિલ્ડ્રન હોસ્પિટલ અને અન્ય હોસ્પિટલના સહયોગથી થઈ રહ્યું છે. વૈજ્ઞાનિકોએ કોરોના સંક્રમણથી સાજી થઈને બહાર આવેલી માતાઓને બ્રેસ્ટ મિલ્ક આપવા અપીલ કરી છે. નવજાત બાળક ધરાવતી માતા 100 મિલિગ્રામ દૂધ સંશોધન માટે આપે તેવી અપીલ કરવામાં આવી છે. આ અપીલને 5 હજાર માતાઓએ પ્રતિસાદ પણ આપ્યો છે.
વૈજ્ઞાાનિકોનું આયોજન પ્લાઝમા થેરાપીની જેમ જ માતાના દૂધનો ઉપયોગ પોઝિટિવ દર્દીઓમાં વાયરસ માટે પ્રતિરક્ષા પ્રણાલી પેદા કરવાનો છે. આ અંગે વધુ સંશોધન રિસર્ચ કરવામાં આવશે તેમાં જો સફળતા મળશે તો તે ખૂબ મહત્વનું ગણાશે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
Published On - 4:42 am, Mon, 7 September 20
