SURAT: નગર પ્રાથમિક શિક્ષણ સમિતિમાં ભાજપ અને આપના સભ્યોની વરણી કરાઈ

સુરત મહાનગરપાલિકા દ્વારા સંચાલિત નગર પ્રાથમિક શિક્ષણ સમિતિના સભ્યોની આજે ભાજપ અને આમ આદમી પાર્ટી દ્વારા વરણી કરવામાં આવી હતી. દર વર્ષે અંદાજીત 600 કરોડ રૂપિયાનું બજેટ ધરાવતી નગર પ્રાથમિક શિક્ષણ સમિતિના સભ્ય પદ માટે આજે ઉમેદવારીપત્ર ભરવાની છેલ્લી તારીખ હતી. જેને પગલે શાસક અને વિરોધ પક્ષ દ્વારા બપોરે પોતાના ઉમેદવારોની જાહેરાત કરી દેવામાં આવી છે.

સુરત નગરપ્રાથમિક શિક્ષણ સમિતિના સભ્યો માટેની ચૂંટણી જાહેર થયા બાદ છેલ્લા બાર દિવસ ફોર્મનું વિતરણ કરવામાં આવ્યું હતું. જે પૈકી આજે ભાજપ દ્વારા પોતાના દસ અને આમ આદમી પાર્ટી દ્વારા પોતાના બે ઉમેદવારોના નામની સત્તાવાર જાહેરાત કરી દેવામાં આવી છે. મહાનગરપાલિકાના ચૂંટણી પરિણામોના આધારે ભાજપના 10 અને આમ આદમી પાર્ટીના બે ઉમેદવારોની સંખ્યા નિશ્ચિત હતી.

જોકે આ વખતે પણ બંને પક્ષો દ્વારા પોતાના સંખ્યાના આધારે જ ઉમેદવારોના નામ જાહેર કરતા ચૂંટણી પર પૂર્ણવિરામ મુકાઈ ચૂકયું છે. અને હવે આગામી 18મી એ આ તમામ ઉમેદવારોને બિનહરીફ જાહેર કરવામાં આવશે.

ભારતીય જનતા પાર્ટી દ્વારા નગર પ્રાથમિક શિક્ષણ સમિતિના જાહેર કરવામાં આવેલા નામોમાં યશોધર દેસાઈ, વિનોદ ગજેરા, રાજેન્દ્ર કાપડિયા, સ્વાતિ સોસા, શુભમ ઉપાધ્યાય, સંજય પાટીલ, નિરંજન જાની, રંજના ગોસ્વામી, રાજેન્દ્ર પટેલ અને અરવિંદ કાકડીયાનો સમાવેશ થાયછે.

જ્યારે આમ આદમી પાર્ટી દ્વારા અગાઉ જે નામો ચર્ચામાં હતા. તેમના પર જ મહોર મારવામાં આવી છે. આપના બે નામોમાં રાકેશ હિરપરા અને રમેશ હિરપરાની વરણી કરાઈ છે. જે પૈકી રમેશ પરમાર નગર પ્રાથમિક શિક્ષણ સમિતિ માં જ શિક્ષક તરીકે કાર્યરત હતા અને નિવૃત્ત છે. જ્યારે રાકેશ હિરપરા પાર્ટીના સંસ્થાપક સભ્ય હોવાનું જાણવા મળ્યું છે.

આ પણ વાંચો: National Best Friend Day 2021: મિત્રનો આભાર માનવા નથી મળતા શબ્દો? તો આ ખાસ વાંચો

આ પણ વાંચો: World Brain Tumour Day 2021: સારવારમાં ના કરશો વિલંબ, જાણો સમયસર સારવાર કેમ છે જરૂરી?