Bhavnagar : સ્થાનિક સ્વરાજની ચુંટણીના પડઘમ હજુ માંડ શાંત પડ્યા છે. ત્યાં હવે પ્રમુખ અને મેયરના તાજ માટે થઈને નવા નવા વિવાદો સામે આવી રહ્યા છે. ભાવનગર મહાનગર પાલિકાના નવા મેયરની વરણીનો વિવાદ સામે આવ્યો છે. મેયર તરીકે વરણી ન થતાં વર્ષા બાએ નારાજગી વ્યક્ત કરી છે. સોશિયલ મીડિયામાં એક પોસ્ટ મુકી વિવાદ છેડ્યો હતો. નારાજ થયેલા વર્ષાબા પરમારે વિભાવરી દવે સામે નિશાન તાક્યુ હતું. વર્ષા બાએ જીતુ વાઘાણી ઉપરાંત વિભાવરીબેન દવે સામે મેયરની વરણીને લઈને આક્ષેપો કર્યા હતા. વર્ષા બાએ કહ્યું : મને પરેશાન કરવામાં કાંઈ બાકી નથી રાખ્યું. વર્ષા બાના આક્ષેપ સામે વિભાવરી દવેએ જવાબ આપતા કહ્યું હતું કે “સૌ પોતાની રીતે રોષ વ્યક્ત કરી શકે, અમે તેને ગણકારતા નથી”