Gujarati NewsGujaratAhmedabadAdditional coaches will be temporarily added to 6 pairs of trains departing passing from Ahmedabad by Western Railway
પશ્ચિમ રેલવે દ્વારા અમદાવાદથી ઉપડતી/ પસાર થતી 6 જોડી ટ્રેનોમાં વધારાના કોચ ઉમેરાશે
ભુજ એસી એક્સપ્રેસમાં વધારાનો એસી કોચ જોડવામાં આવશે આ ઉપરાંત પટના અને દરભંગા ક્લોન સ્પેશિયલ ટ્રેનમાં 3 ટાયર અને સ્લીપર કોચ જોડવામાં આવશે.
Symbolic image
Follow us on
પશ્ચિમ રેલવે દ્વારા મુસાફરોની માંગ અને સુવિધાને ધ્યાનમાં રાખીને અમદાવાદથી ઉપડતી/ પસાર થતી 6 જોડી ટ્રેનોમાં અસ્થાયી રૂપે વધારાના કોચ ઉમેરવાનો નિર્ણય લેવામાં આવ્યો છે. આ નિર્ણયથી મુસાફરોની સુવિધામાં વધારો થશે. ભુજ એસી એક્સપ્રેસમાં વધારાનો એસી કોચ જોડવામાં આવશે આ ઉપરાંત પટના અને દરભંગા ક્લોન સ્પેશિયલ ટ્રેનમાં 3 ટાયર અને સ્લીપર કોચ જોડવામાં આવશે.
અમદાવાદ મંડળ રેલ પ્રવક્તાના જણાવ્યા અનુસાર વધારાના કોચની વિગતો નીચે મુજબ છે
ટ્રેન નંબર 22903/22904 બાંદ્રા ટર્મિનસ – ભુજ એસી એક્સપ્રેસમાં 29 મે, 2022 સુધી બાંદ્રા ટર્મિનસથી અને ભુજથી 30 મે, 2022 સુધી તાત્કાલિક અસરથી વધારા નો એક એસી 3-ટાયર કોચ જોડવામાં આવશે.\
ટ્રેન નંબર 09447/09448 અમદાવાદ-પટના ક્લોન સ્પેશિયલમાં 25 મે 2022ના રોજ અમદાવાદથી અને 27 મે 2022ના રોજ પટનાથી વધારાનો એક એસી 3-ટાયર અને સ્લીપર ક્લાસ કોચ જોડવામાં આવશે.
ટ્રેન નંબર 09465/09466 અમદાવાદ-દરભંગા ક્લોન સ્પેશિયલમાં અમદાવાદથી તાત્કાલિક અસરથી 27 મે, 2022 સુધી અને દરભંગાથી તાત્કાલિક અસરથી 30 મે, 2022 સુધી એક વધારાનો એસી 3-ટાયર અને સ્લીપર ક્લાસ કોચ જોડવામાં આવશે.
ટ્રેન નંબર 09037/09038 બાંદ્રા ટર્મિનસ – બાડમેર સ્પેશિયલમાં બાંદ્રા ટર્મિનસથી 03 જૂન, 2022 સુધી અને બાડમેરથી 04 જૂન, 2022 સુધી એક વધારાનો એસી 3-ટાયર કોચ તાત્કાલિક અસરથી જોડવામાં આવશે.